RSS jarioaAlbisteak
Ekainaren 3ko orientazio proba atzeratu dugu
Trinitate jaiak direla eta, ekainaren 3rako aurreikusita geneukan orientazio proba atzeratzea erabaki dugu. Jakinaraziko dizuegu zita berria jartzen dugunean.
Lekaixoka! Prest dauzkagu Kilometroak jaira joateko autobusak
Oñatin izango da aurten Gipuzkoako ikastolen aldeko Kilometroak jaia. Irailaren 24an izango da jaia, eta hil honen 11tik aurrera egongo da autobuserako txartelak erosteko aukera.
Ameli ipuin kontalaria, TERTULIAK programari gero arte esateko, ekainaren 28an
Urtero moduan, ekainean emango diogu amaiera Tertuliak programako ikasturteari. Eta aurten ipuinak eta musika izango ditugu programari gero arte esateko gonbidatu ditugun lagunak.
Sortu zure podcasta, DBHkoentzako ikastaroa
DBHko ikasleen artean ahozkotasuna sustatzeko, bereziki, antolatu du Atxutxiamaikak "sortu zure podcasta" ikastaroa; Danobat kooperatibaren babesari esker. Horrez gain, nerabeentzako ikus-entzunezko edukia, euskaraz, sortzea ahalbidetuko du ikastaro honek.
Udan ere, euskaraz
Ikasturtean zehar, haurren egunerokoan euskararen presentzia bermatua dago, nolabait. Oporraldi luze honetan ere euskararekiko lotura eten ez dadin, baliabide sorta hau prestatu dugu. Haurrentzako prestatu dugu, bereziki, baina etxeko denetzako baliagarria izatea espero dugu.
Abenduaren 23ra arte mantenduko dugu bertso-sarreren aurre-salmenta
Azken 43 urteetan egin dugun moduan, Elgoibarko Izarraren bertso-jaialdia izango dugu urtea amaitu aurretik. Abenduaren 26an izango da, eta sarreren aurre-salmenta abenduaren 23ra arte izango da.
Zugarramurdira familia irteera
Zugarramurdin IX. Euskal Titiriteroen Topaketa ospatuko dutela-eta, familia irteera antolatu du Atxutxiamaikaren Kiribilduz egitasmoak. Tailerrak, antzerkiak eta abarrak izango dira ikusgai egun guztian zehar.
Elgoibarko Izarrak bazkideen parte-hartzea sustatu nahi du
Bazkideek elkarteko lan-dinamikan parte-hartzeko prozesuari ekin dio Elgoibarko Izarrak. Bazkideen parte-hartzea izango da ziklo berriko erronketako bat.
Bertso-eskolan izena emateko epea zabalik
Bertso-eskola berriz martxan jartzeko asmoa dugu. Bertsolaritza ezagutzeko, ahozkotasuna eta komunikazioa lantzeko eta hizkuntzarekin jolasean ikasteko aukera paregabea eskaintzen du bertso-eskolak.
Ume eta jubilatuentzako bingo-jokoa
Belaunaldien arteko harremanak sustatzeko helburuarekin, Jubilatuen Elkartearekin elkarlanean hainbat ekintza antolatuko ditu Elgoibarko Izarraren Atxutxiamaikak aurtengoan. Martxoaren 14an izango den bingo-jokoa izango da lehenengoa.
Xamar: “Euskaldunok ere erromatartu ginen, baina herriaren izena eta hizkuntza gordetzen jakin genuen”
Euskara Jendea ikastaroko lehen saioa topiko bat bertan behera lagatzeko izan bazen, bigarrenean ere Erromako Inperioak gurean izan zuen eraginaren gaineko beste mito bat gezurtatu genuen: ez da egia euskaldunak isolaturik eta konkistatu gabe egon ginenik.
Ludotekaren eta Gaztelekuaren lizitaziora ez aurkeztea erabaki du Elgoibarko Izarrak
Elgoibarko Izarrak proposatuta jarri zituen martxan Elgoibarko Udalak bi ekipamenduak 2007an, eta ordutik gure elkartea izan da Ludoteka eta Gaztelekua kudatzeko ardura izan duena, baina azken lizitaziora ez aurkeztea erabaki dugu.
Gazteek gazteentzako; hizketaldia eta bakarrizketa
"Zergatik eta zertarako euskaldun?" programaren baitan, gazteen euskalduntasuna sustatzeko programa jarri dugu martxan. Gazteek gazteentzako sortutako programa da, 16 eta 30 urte bitarteko gazteentzat. Martxoaren 22rako antolatu duten egitaraua ikusgai dago, jada.
Abenduaren 9an jarriko ditugu salgai bertso-jaialdirako sarrerak
Azken 43 urteetan egin dugun moduan, Elgoibarko Izarraren bertso-jaialdia izango dugu urtea amaitu aurretik. Abenduaren 26an izango da, eta sarreren aurre-salmenta abenduaren 9tik 23ra izango da.
Sukaldaritza ikastaroa familian
Familiaren hizkuntza transmisioa lantzeko helburuarekin sukaldaritza ikastaroa antolatu du Atxutxiamaikak HH4-LH2 adin tarteko umeentzako eta euren gurasoentzako. Bi saiotako ikastaroa izango da eta otsailaren 15ean eta 22an izango dira saioak.
183.000 euroko diru-laguntza jasotzen duen hitzarmena sinatu dugu Udalarekin
Elgoibarko Udalak 183.000 euroko diru-laguntza emango dio Elgoibarko Izarra Euskaltzaleon Topaguneari, 2017an euskararen erabilera sustatzeko ekintzak eta haurrentzako aisia hezitzaileko egitasmoa finantzatzeko. Bi udal sailetatik bideratuko da diru-laguntza.
Esperimentuak familian
Kiribilduz egitasmoaren barruan, familiaren hizkuntza transmisioa lantzeko helburuarekin, esperimentuen tailerra antolatu du Atxutxiamaikak HH4-LH2 adin tarteko umeentzako eta euren gurasoentzako.
Goazen KORRIKA egitera!
Aurreko edizio guztietan egin dugun moduan, oraingoan ere KORRIKA egingo du Elgoibarko Izarrak. Errosario kalean hartuko dugu lekukoa, Gorostiza liburu-denda zegoen tokian. Goizeko 10:15ean bilduko gara bertan. Gonbidatuta zaudete bazkide guztiok Elgoibarko Izarrarekin KORRIKA egitera!
UDABERRIKO OPORRALDIKO ESKAINTZA H.H.5-L.H.6
Hortxe udaberriko oporraldiko eskaintza berria. Hau da Udal Ludotekak eta Atxutxiamaikak lankidetzan prestatutako programazioa
SotoTK udaberriko oporraldian
0-5 urte bitarteko haurrei zuzenduriko SotoTK antolatu du Atxutxiamaikak Udaberriko oporraldirako.
Euskal Herriko komunikabideek elkarlanean eman dute Gizakatearen berri
Ekainaren 8an Durango eta Iruñea batu zituen gizakatea elkarlanean jorratu zuten hainbat herri komunikabidek, tartean BARRENek. Euskal komunitateentzat interes informatiboa zuen ekimena zela-eta, aukera aproposa iruditu zitzaien komunikabideen arteko elkarlana sustatzeko, eta horretarako apustua egin zuten.
Otsailaren 29ra arte egongo da Atxutxutxiamaikaren udaberriko eskaintzan izena emateko aukera
Gaur hasi eta otsailaren 29ra arte dago udaberriko eskaintzan izena emateko aukera. Martxoaren 25etik martxoaren 27ra eta apirilaren 2tik 5era bitarteko eskaintza prestatu dugu HH2-LH6 bitarteko umeentzat.
Anfibioak ezagutzeko irteera antolatu dugu
Morkaiko Mendizale Elkarteak, Elgoibarko Izarraren Atxutxiamaika aisialdi sailak eta Elgoibarko Baso Biziak elkarteak elkarlanean antolatutako "Gure natura ezagutzen" programaren hurrengo irteera martxoaren 1ean izango da; anfibioak ezagutzeko irteera hain zuzen ere.
UDABERRIKO OPORRALDIA BERTAN BEHERA!
Azken egun/orduetan gobernuak hartu dituen neurriak ikusirik eta egoeraren larritasuna aintzat hartuta, Udaberriko Oporraldirako antolatutako eskaintza guztia bertan behera geratu da.
Zabalik dugu neguko eskaintzan izena emateko epea
Abenduaren 26tik urtarrilaren 5era bitarteko eskaintza prestatu dugu HH2-LH6 bitarteko umeentzat, eta abenduaren 10era arte egongo da izena emateko aukera
Aurtengo TopaEguna Derion izango da, urriaren 11n
2012an ekin zion Euskal Herriko Euskaltzaleen Topaguneak TopaEguna antolatzeari. Lehen bi edizioak, hurrenez hurren, Azkoitian eta Soraluzen izan ondoren, aurten Bizkaian ospatuko da euskaltzaleon jaia; Derion, hain zuzen ere. Elgoibarko Izarrak ere bazkide eta euskaltzale guztiak animatu nahi ditu jaian parte hartzera.
Azaroko eskaintza LH4-6 bitartekoentzat
Aldenik Aldenek prestatu ditu LH4-6koentzako azaroko ekintzak. Bi ekintza antolatu ditugu; batetik, azaroaren 12an "Mendaroko uren gatazka" Rol jokoa egingo dugu Mendaron bertan, eta, bestetik, azaroaren 26an "Musika gaua" Elgoibarko gazte musikari batzuek eskainiko duten kontzertuaz gozatzeko aukera izango dugu. Animatu eta parte hartu!
Kiribilduz-en neguko familia tailerrak
Bi familia tailer eskainiko ditugu negu honetan. Apaingarrien tailerra bi saioetan emango dugu eta neguko postreak egiteko saio bakarra egingo dugu.
H.H.2-4koentzako UDABERRIKO ESKAINTZA
Aurtengoan ere, badator gure txikienentzako eskaintza.
MIKOLOGIA MUNDUA EZAGUTZEKO JARDUERA
Morkaiko Mendizale Elkarteak, Elgoibarko Izarraren Atxutxiamaikak eta Elgoibarko Baso Biziak elkarteak aurrera eramaten dugun "Gure natura ezagutzen" programaren hurrengo ekintza urriaren 25ean izango da: Mikologia mundua ezagutzeko jarduera, hain zuzen ere.
Elgoibarko euskalgintza eta kulturgintza indarberritzea nahi dugula erabaki dugu
Euskara ala Ezkara Elgoibarren? Herriko euskalgintzako eta kulturgintzako 52 lagun elkartu ginen urriaren 3an IMH ikastetxean. Besteak beste, Elgoibarko euskalgintza eta kulturgintza indarberritzeko ahalegin kolektiboa egin behar dugula erabaki genuen.
TXIKI EGUNERAKO KAMISETAK
Elgoibarko EUSKARALDIA Taldeak Txiki egunerako kamisetak prestatu ditu. EUSKARALDIA: 11 egun euskaraz ekimena gizarteratzeko beste pauso bat da. Elgoibartarrek ariketa horren berri izan eta izena ematera animatzeko.
11 egunez, 11 irudi
Bihar emango diogu hasiera Euskaraldiari. Hori dela eta, Elgoibarko Izarraren Atxutxiamaikak hamaika egunetarako online lehiaketa bat antolatu du; Lehen Hezkuntzako haurrak dituzten familientzat. Lehiaketak maiatzaren 15etik 25era bitartean iraungo du, eta egun bakoitzean pixelatutako irudi bat asmatu beharko da.
Jakoba Errekondoren “Bizi baratzea” hitzaldia, irailaren 28an
Baratzari, lorategiari, etxe barruko landareei, fruta-arbolei, eta basoari lotutako galderei eta zalantzei erantzuteko saioa izango da, batez ere.
470 euroko diru-laguntza eman diogu Ziburuko ikastolari
Elgoibarko Izarrako 39 bazkidek emandako diruari esker, elkarteak 470 euroko diru-laguntza emango dio Ziburuko ikastolari. Estimatu digute jasotako diru-laguntza.
Euskaraz ez dakiten gurasoentzako hitzaldia
Euskaraz ez dakiten gurasoek euren umeei eskolako lanetan lagundu ahal izateko hitzaldia antolatu du Atxutxiamaikaren Kiribilduz egitasmoak. Gaztelaniaz izango da. Abenduaren 15ean izango da hitzaldia.
Datorren astean oporrak hartuko ditugu!
Datorren asteko martitzenean (uztailak 30) itxiko ditugu Elgoibarko Izarraren bulegoko ateak eta pertsianak. Hilabeteko oporrak hartuko ditugu eta irailaren 2an bueltatuko gara lanera. Gozatu abuztuan, oporrak izan edo ez.
Olentzeroren etxera familia irteera
Izenaduba basoan dagoen Olentzeroren etxera (Mungia) familia irteera antolatu dugu Atxutxiamaikaren Kiribilduz egitasmoak eta Ludotekak. Goizean herri kiroletan arituko gara eta bazkal ostean, Olentzeroren etxea bisitatu eta bertako pertsonai mitologiko ezberdinak ezagutzeko aukera izango dugu.
Badator berriz ere Kiribil! Gaur, 17:00etan Maalako parkean
Atxutxiamaikaren Kiribilduz egitasmoaren baitan, Maalako parkean saioa antolatu dugu. Gaur, ostirala, azaroaren 9an, 17:00etan Kiribil eta bere lagunak etorriko dira. Bertan, haur eta gurasoekin batera jolastu eta dantzatzeko.
ALDENIK ALDEN-eko MARTXOKO ESKAINTZA
Hilabete honetan, irteera bat eta tailer bat eskainiko dira 3 egunetan banatuta.
Zertarako elgoibarkoizarra.com?
Ezagutzen ez dena ezin delako maitatu. Elkartea hobeto ezagutzeko prestatu dugu elgoibarkoizarra.com web orria. Elkartea hobeto ikusteko eskaparatea da.
Udaldirako hezitzaileak behar ditugu
Udaldiko eskaintzan lan egiteko hezitzaileak behar ditu Elgoibarko Izarrak. Gaurtik martxoaren 18ra arte egongo da lan poltsan izena emateko aukera.
Badator berriz ere Kiribil! Bihar, 17:30ean Maalako parkean
Atxutxiamaikaren Kiribilduz egitasmoaren baitan, Maalako parkean saioa antolatu dugu. Bihar, ostirala, irailak 28, 17:30ean Kiribil eta bere lagunak etorriko dira. Bertan, haur eta gurasoekin batera udako abenturak kontatu, jolastu eta dantzatzeko.
Iñaki Perurenak harriarekin duen maitasun istorioa
Tertuliak programak gonbidatuta etorriko da Leitzako harri-jasotzailea Elgoibarrera, ekainaren 22an. Emankizun poetikoa izango da, Kultur Etxeko sotoan, arratsaldeko 19:00etan hasita. Irekia izango da, eta doan.
Badator Gaba Beltza
Azken urteetan egin ohi dugun bezala, Gaba Beltza ospatuko dugu urriaren 31n. Egitarau zabala dugu aurtengoan: ihes-gela, ipuin kontalaria, Ibilaldi Beltza... Ohitura zaharra berrasmatzeko helburuarekin dakargu berriz ere gurera hildakoak oraitzeko jai hau, eragile ezberdinekin elkarlanean.
Kantua, dantza eta komunitatea josiko ditugu euskararen hariarekin!
Kantua, dantza eta komunitatea josiko dituen ekimena izango dugu urriaren 25ean, asteazkena, Musika Eskolako auditorioan, 19:00etan hasita. Bi hitzaldi eta kantuak izango dira osagaiak.
Atxutxi-karaokea prest!
Eguzkia atera da, azkenean, uda datorren seinale. Eta udararekin batera, udalekuak! Atxutxiamaikaren kantuaren karaoke-bertsioa prestatu dugu kantaren letra oraindik buruz ez dakienak ikasi dezan.
Aldenik Alden egitasmoaren urtarrileko eta otsaileko ekintzen izen ematea zabalik dago
Aldenik Alden egitasmoaren 2024ko dinamika hasi dugu eta urtarrilerako eta otsailerako prestatutako ekintzetan izena emateko epea zabalik dago, jada.
Uztailerako eskaintza berria prestatu du Atxutxiamaikak LH3-6koentzat
Udaleku itxiak antolatu zituen Atxutxiamaikak LH3-6ko umeentzako baina hainbat arrazoi tarteko bertan behera geratu dira udalekuak. Horregatik, Atxutxiamaikak goiz eta arratsalde-pasak eta pare bat eguneko egonaldi motzak antolatu ditu.
Familia Eguna, azkenean Maalan izango da!
Atxutxiamaikaren Kiribilduz egitasmoak, Udal Ludotekarekin elkarlanean, familien hizkuntza ohituretan eragin eta gurasoei zein umeei euskara erabiltzeko espazioak eskaini nahi dizkie. Horretarako, maiatzaren 27an, Familia Eguna antolatu dugu Maalan.
Elgoibarko Izarraren Santa Ageda koruetan parte hartu nahi?
Aurten ere, azken 24 urteetan egin dugun moduan, hitzordua izango dugu otsailaren 4an Elgoibarko baserritarrekin. Kantuan eta eskean irtengo gara baserriz baserri, usadio zaharrak agintzen duen moduan. Parte hartu nahi dutenek urtarrilaren 31ra arte izango dute izena emateko aukera.
“Gipuzkoako nafar gazteluak: Elosuko kasua aztergai”.
“Mitoak eta historia” zikloaren lehen atala izango dugu ostegun honetan. Hizlariak Andoni Larrañaga historialaria eta Ander Errasti ingeniaria izango dira.
LHko umeentzako eskaintza antolatu dute Atxutxiamaikak eta Ludotekak
Bi arratsalde-pasa eta egun-pasa bat antolatu dituzte Atxutxiamaikak eta Ludotekak neguko oporretan LHko umeek primeran pasa dezaten. Egun-pasara familian animatzeko gonbidapena egin diete, gainera, etxeko nagusiei.
Aurten ere Ekigain jaia ospatuko dugu, udari ongi-etorria egiteko
Iaz egin genuen moduan, aurten ere Sallobente-Ermuaranera joango gara udari ongi-etorria egitera. Ekainaren 21ean (asteartea) izango da jaia, eta Elgoibarko Izarrako bazkideak ez ezik, herritar guztiak ere badaude gonbidatuta.
Daixolan izena emateko epea zabalik
Daixola! LH4-6 bitarteko gaztetxoei zuzenduta dago eta euskaraz ondo pasatzeko helburua dauka.
"Erroma Euskal Herrian" hitzaldi-zikloari ekingo diogu otsailaren 27an
Hitzaldi-zikloan Erromaren aginteak Euskal Herrian izan zuen eragina emango dugu ezagutzera. Hiru hitzaldi izango dira eta, besteak beste, okerreko zenbait uste zuzentzen saiatuko gara, eta erromatarren garaiari dagozkion zenbait eztabaida edota polemika ere bistaratuko ditugu.
Eguberrietako apaingarriak egiteko tailerra familian
Familiaren hizkuntza transmisioa lantzeko helburuarekin eguberrietako apaingarriak egiteko familia tailerra antolatu du Atxutxiamaikaren Kiribilduz egitasmoak Udalarekin lankidetzan, HH4-LH3 adin tarteko umeentzako eta euren gurasoentzako.
Gure zuhaitzak landatzen ikastaroa aurkeztuko dugu azaroaren 21ean
Nola egiten dira zuhaitz genealogikoak? Zein dira teknologia berriek eskaintzen dizkiguten aukerak? Hori eta gehiago ikasiko dute Gure zuhaitzak lantzen ikastaroan izena ematen dutenek.
Xamarri elkarrizketa, etxerako bidea zergatik eta zelan egin zuen jakiteko
1980. urtean ekin zion Xamarrek (Garralda, 1956) bere etxerako bideari. Amatxiri euskaraz egin eta honek “pero ...¿por que hablas así, mi chico?” erantzun zionean.
Bertso saio literarioa izango dugu abenduaren 29an
Aurten dena diferentea da eta urte amaierako bertso-jaialdia ere ezberdina izango da. Ohiko formatua alde batera laga eta bertso saio literarioa antolatzea pentsatu dugu.
Atxutxiamaika eta Ludotekaren eskaintzan izena ematen duten guztiek izango dute plaza udako eskaintzan
Gaur, maiatzak 7, Atxutxiamaikaren eta Ludotekaren udaldiko plazak esleituko dira. Izen emate epe barruan izena eman duten pertsona guztiek plaza izango dute udaldiko eskaintzan
JOLASIAN egitasmoa ekainean egingo da!
Elgoibarko Izarraren Atxutxiamaika sailak, Udal Ludotekak eta Udal Gaztelekuak elkarlanean sortutako Jolasaren Asteak, aurten, JOLASIAN izena izango du. Eta ez da aldaketa bakarra izango!
Elgoibarko Izarrako langileok greba egingo dugu azaroaren 30ean
Elgoibarko Izarrako langileok bat egin dugu azaroaren 30erako deitutako greba orokor feministarekin, «zaintza eskubide kolektiboaren» aldeko aldarriarekin bat eginez.
"Batu ditzagun gure ahotsak” proiektuan elgoibartarron ahotsak jasotzeko grabaketa masiboa.
Abenduaren 2an egingo dugu talde grabaketa. Aita Agirre kulturgunean izango da, 11:00etan hasi eta 13:30ak arte. Hartu zure mugikorra eta etorri grabaketak egitera!
“Agosti Xaho: Lehen karlistaldiaren kontaketa”
Ostegun honetan, irailak 26, izango da karlistaldiei eskainitako hirugarren eta azken hitzaldia. Xabier Zabaltzak emango dio amaiera aurtengo historia zikloari.
Badator berriz ere Kiribil! Gaur, azaroak 8, 17:00etan Maalako parkean
Atxutxiamaikaren Kiribilduz egitasmoaren baitan, Maalako parkean saioa antolatu dugu. Gaur, ostirala, azaroaren 8an, 17:00etan Kiribil eta bere lagunak etorriko dira. Bertan, haur eta gurasoekin batera jolastu eta dantzatzeko.
"Jardun eta jardun, danona egin daigun!"
Badugu 2019ko Euskararen Nazioarteko Eguneko esaldi irabazlea
Ekigain jaia Sallobenten, udari ongi-etorria egiteko
Azken bi urteetan egin dugun moduan, aurten ere Sallobente-Ermuaran auzora joango gara udari ongi-etorria egitera. Ekainaren 21ean (asteazkena) izango da Ekigain jaia, eta programa erakargarria prestatu dugulakoan gaude.
Elgoibarko berbetia hobeto ezagutzeko ikastaroa
Urriaren 31n amaituko da Elgoibarko Berbetia ikastaroan izena emateko epea. Zortzi ordukoa izango da eta Jesus Mari Makazaga filosolo eta doktoreak emango du.
Umeen eta Nerabeen Jai Batzordeak eratu nahi ditugu.
Jai Batzorde horien helburua umeak eta nerabeak Elgoibarko jaien bueltan eragile izateko baliabideak eskaintzea da.
Astigarragako Sagardoetxera familia irteera antolatu du Atxutxiamaikak
Atxutxiamaikaren Kiribilduz egitasmoak familia irteera antolatu du Astigarragako Sagardoetxera. Sagardoaren elaborazio prozesua ezagutu, muztio daztaketa, sagar eta txokolate tailerra eta Hernaniko igerilekuan gozatzeko aukera izango dute izena ematen duten familiek.
Arcachonera eta Sendavivara egun-pasak LH3-6ko gaztetxoentzat
LH3-6ko ikasleentzako bi irteera antolatu dituzte Atxutxiamaikaren Aisia egitasmoak eta Elgoibarko Udal Ludotekak: Arcachongo ur parkera eta Sendavivara.
Zabalik dago TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta dagoeneko zabalik dago 2016-2017 ikasturtean izena emateko epea.
Euskalduntze berantiarraren teoria: egia ala gezurra?
Luis Mari Zaldua urnietarra izango da Erroma Euskal Herrian hitzaldi-zikloaren hirugarren eta azken gonbidatua. Euskalduntze berantiarraren gainean jardungo du Zalduak irailaren 18an (asteazkena), aldeko eta kontrako argudioak azalduz.
19 laguneko lantalde profesionala
Diru-laguntzen gaineko murrizketak direla eta, 2010ean baino 2 langile gutxiagok jardungo dute lanean Elgoibarko Izarran. 19 lagunek osatuko dute lantaldea.
Elgoibarko Izarrak kudeatuko ditu Mendaroko Udaleku eta Gabonleku irekiak
Gaur, maiatzak 10, sinatu dute kontratua Iñaki Kondek eta Sonia Garciak, Elgoibarko Izarrako lehendakaria eta Mendaroko alkatea, hurrenez hurren.
Bihar da Bertsolari Txapelketa Nagusiko sarrerak erosteko azken eguna
Hasiera batean azaroaren 29ra arte sarrerak eros zitezkeen arren, Bertsozale Elkartearen eskariz bihar bertan erretiratuko ditugu sarrerak.
