RSS jarioaAlbisteak
Bi lan deialdi
Elgoibarko Izarrak koordinatzaile bat eta gaztelekurako hezitzaile bat behar ditu.
Badator berriz ere Kiribil! Bihar 17:30ean Maalako parkean
Atxutxiamaikaren Kiribilduz egitasmoaren barruan, Udalarekin lankidetzan, Maalako parkean saioa antolatu dugu. Bihar, maiatzak 12, 17:30ean Kiribil eta bere lagunak etorriko dira bertara. Bertan haurreei eta gurasoei beraien abenturak kontatzeko eta beraiekin jolasteko.
Emozioen posterra eskuragarri jarri du Atxutxiamaikak
Atxutxiamaikak eta Udal Ludotekak antolatzen dituzten jardueretan hezitzaileek umeekin emozioak lantzeko erabiltzen duten posterra eskuragarri jartzea erabaki du Elgoibarko Izarra Euskaltzaleon Topaguneak. Bertan, emozio ezberdinak irudikatzen dituzten marrazkiak agertzen dira eta albiste honetan irudi horien erabilpen posibleak aurkezten dira.
Otsailaren 1ean ospatuko du Atxutxiamaikak Santa Ageda eskea
Iaz moduan, aurten ere Atxutxiamaikak Azkue auzoko baserriak koplatuko ditu Santa Ageda egunaren harira. Familiei eta umeei egokitutako ekimena bada ere, gurekin etorri nahi duen edozein izango da ongi etorria.
Abenduaren 11n jarriko ditugu salgai aurtengo bertso-jaialdirako sarrerak
Abenduaren 28an izango da aurtengo bertso-jaialdia, eta hil honen 11tik 22ra egongo dira salgai sarrerak Elgoibarko Izarran. Olaizaga kiroldegian izango da aurtengo jaialdia.
Kiribilduz proiektuaren abenduko ekintzak
Ikuskizuna, sukaldaritza tailerra, eguberrietako apaingarrien tailerra eta familia irteera antolatu dituzte Kiriblek eta bere laguntzaileek. Eguraldi aldaketa dela-eta, etxean geratzeko aitzakiarik ez edukitzeko moduko programazioa.
Aubixaren 40. urteurrenean eskerrak emateko ekitaldia antolatu dugu
Aubixa baserriko jabeek eta Elgoibarko Izarrak eskerrak emateko ekitaldi bat antolatu dugu urriaren 19rako. Orain 40 urte Aubixa baserria eraberritzen lagundu zutenei eta urte guzti hauetan lagun izandakoei eskerrak emateko ekitaldia izango da.
Egin TTap!
Atxutxiamaika Aisialdi Taldeak, Kukulaisirekin elkarlanean, online jokatzeko Egin Ttap! lehiaketa antolatu du. Azaroaren 24tik 30era iraungo du. Zazpi egunez, gai desberdinei buruzko zazpi galdera erantzun beharko dira, taldeka.
Elgoibarko Izarrak aisialdiko koordinatzailea behar du
Elgoibarko Izarraren Atxutxiamaika Sailean jarduteko koordinatzailea behar da. Interesdunek maiatzaren 31ra arte dute izena emateko aukera.
Badator berriz ere Kiribil! Bihar, 17:30ean Kalegoen Plazan
Atxutxiamaikaren Kiribilduz egitasmoaren baitan, Kalegoen Plazan saioa antolatu dugu. Bihar, ostirala, maiatzak 11, 17:30ean Kiribil eta bere lagunak etorriko dira bertara. Bertan, haur eta gurasoekin batera jolastu eta dantzatzeko.
Udaldirako hezitzaileak behar ditugu
Elgoibarko Izarra Euskaltzaleon Topagunea elkarteak, Atxutxiamaikaren udaldiko eskaintzan lan egiteko hezitzaileak behar ditu. Apirilaren 10era arte egongo da izena emateko aukera.
Kantuan eta eskean Elgoibarko Izarrarekin
Urtero bezala Santa Agenda bezperan Elgoibarko Izarrarekin batera kantuan jarduteko plan polita antolatu dugu. Utarrilaren 28a orduko eman behar da izena.
Gaur oporrak hartuko ditugu!
Gaur, ostirala, itxiko ditugu Elgoibarko Izarraren bulegoko ateak. Hilabeteko oporrak hartuko ditugu eta irailaren 1ean bueltatuko gara lanera. Gozatu abuztuan, bazkide, oporrak izan edo ez.
LH4-6koentzako rol jokoa antolatu du Aldenik Alden programak
Morterika inguruan pasako dute eguna LH4-6 bitarteko umeek. Tribu ezberdinez osatutako rol jokoa izango da eta erreinu galduaren sekretua aurkitu beharko dute parte hartzaileak.
Euskararen eguneko esaldi lehiaketa
Elgoibarko Izarrak eta Udal Gaztelekuak euskararen eguneko esaldi lehiaketa antolatu dugu hirugarren urtez. DBH eta BATXIko ikasleentzako antolatu da lehiaketa, eta euskarari lotuta egon behar du esaldiak. Lehiaketa irabazten duen esaldiarekin kamiseta bat prestatuko dugu, eta 13-18 urte bitarteko nerabeen artean banatuko dugu, doan.
Bazkideen Batzar Orokorrak onartu egin ditu 2014ko memoria eta 2015eko kudeaketa-plana
30 bazkidek hartu zuten parte aurtengo Batzar Orokorrean, eta aho-batez onartu zen Zuzendaritza Batzordeak aurkeztutako 2014ko memoria eta 2015eko kudeaketa-plana.
Mikel Markezek euskal kantagintzaren errepaso historikoa egingo du
Tertuliak programak gonbidatuta etorriko da Errenteriako musikaria Elgoibarrera, ekainaren 22an. Kultur Etxeko sotoan izango da kantaldi-hitzaldia, arratsaldeko 18:30ean hasita. Irekia izango da, eta doan.
Aurten ere ez da gure koplarik entzungo baserri atarietan
Otsailak lau egun ditu gaur, Santa Ageda bezpera da, baina Elgoibarko Izarrako Santa Ageda taldea ez da baserri auzoetara joango.
Southako ikastolaren aldeko otarreak
Eibarko eta Elgoibarko lagun batzuekin batera, Southako ikastolaren aldeko otarreak saltzen jardun dugu abenduan. Denera, 37 otarre saldu ditugu Elgoibarren.
Gurean Bai proiektuaren amaiera
Hamalau urtez Elgoibarko hainbat sektoretan euskara sustatzeko ahaleginean jardun ondoren, Gurean Bai hitzarmeneko ateak itxi egin dira, egindako lanak merezi izan duelakoan.
Salgai daude Kilometroak jaira joateko autobus-txartelak
Bergaran izango da aurtengo Kilometroak jaia, urriaren 2an, eta dagoeneko salgai dauzkagu autobuserako txartelak.
Badator berriz ere Kiribil! Bihar, 17:00etan Maalako Parkean
Atxutxiamaikaren Kiribilduz egitasmoaren baitan, Maalako parkean izango da ikasturte honetako azkenengo saioa. Bihar, ekainak 8, 17:00etan Kiribil eta bere lagunak etorriko dira haur eta gurasoekin batera jolastu eta dantzatzeko.
Zabalik dago Haurren aurrean FAMILIA-GINKANAn izena emateko epea.
Haurren aurrean, helduok heldu ekimenaren baitan, Haurren aurrean FAMILIA-GINKANA antolatzera goaz. Azaroaren 27an izango da, arratsaldeko 17:00etan hasita.
Saguzar habiak eta intsektuen hotela egiteko tailerra, Lizagasarren
Morkaiko Mendizaleen Elkarteak, Elgoibarko Baso Biziak elkarteak eta Elgoibarko Izarraren Atxutxiamaikak elkarlanean garatzen dugun "gure natura ezagutzen" egitasmoaren baitan, tailer berria antolatu dugu domeka honetarako. Oraingo honetan, Lizagasarren izango da eta Asier Lizarralderen laguntzarekin eramango dugu aurrera. Mokadutxoa ere izango dugu. Sortuko ditugun elementuak Sargoaten jarriko ditugu auzolanean ekainaren 1ean.
Jendea behar dugu, San Bartolome jaietan, Maalako Jai Gunean barran lan egiteko
Maalako Jai Batzordean parte hartzeko erabakia hartu du Elgoibarko Izarrak. Jai Batzordeak parte hartzeko gonbite-proposamena egin dio Elgoibarko Izarrari, eta baietz erantzun dugu.
Baguaz! bidaia-esperientziak: Tolosatik Tokyora bizikletaz
Urriaren 24an izango dugu Baguaz! bidaia-esperientziak programaren bigarren emanaldia. Tolosako Lander Egia etorriko da gurera, Tolosatik Tokyora bizikletaz egin zuen bidaiaren berri ematera.
Izan daiteke euskaltzalea feminista izan gabe?
Euskalgintza eta feminismoa, eskutik helduta zikloaren barruan, bihar, urriak 25, Lorea Agirre, Idurre Eskisabel eta Ainhoa Mendibil izango ditugu hitzaldiari izenburua eman dion galderari erantzuteko: izan daiteke euskaltzalea feminista izan gabe?
Mikel Etxaniz, HGko koordinatzailea
Mikel Etxaniz Elgoibarko Izarrako Haurrak eta Gazteak Arloko koordinatzailea izango da maiatzaren 23tik aurrera.
ARIMEN GAUEKO EKITALDIA
Igandean, urriak 31, 20:00etan Arimen gaueko ekitaldia egingo da Maalan.
Iruña-Veleia auziari argi apur bat emateko hitzaldia antolatu dugu
Erroma Euskal Herrian hitzaldi-zikloa zabalduko duen hitzaldia izango da Juan Martin Elexpuru bergararrak emango duena.
Euskaraz bizi nahi dut! flashmob-a, Euskararen Nazioarteko Egunean
Iaz ekin genion bideari segituz, Elgoibarko Izarrak eta Elgoibarko hainbat elkarte, ikastetxe eta erakundek, Udalaren diru-laguntzarekin, Euskararen Nazioarteko Eguna ospatzeko prestaketa-lanetan dihardugu.
Elgoibarko Izarraren etorkizuna
Ekin diogu Elgoibarko Izarraren etorkizuna eztabaidatzeko gogoeta-prozesuari. Elkarteak etorkizunean bete behar duen funtzioa erabaki nahi dugu 2011n.
Bihar amaituko da ATERA SELFIEA! kanpaina
Argazkia bidaltzeko azken eguna izango da biharkoa, maiatzak 17. Ostiralean, berriz, 20 euroko 15 erosketa-txartelen zozketa egingo dugu.
Kontaktuaren bitartez ume eta gurasoen arteko komunikazioan sakontzeko saioa
Kontaktu fisikoaren, mugimenduaren eta jokuaren bitartez umeen eta gurasoen arteko komunikazioa sakontzeko aukera emango duen saioa antolatu du Atxutxiamaikaren Kiribilduz egitasmoak azaroaren 16rako. Metodologia honi Contakids deitzen zaio.
Familia Eguna Idortorben
Atxutxiamaikaren Kiribilduz egitasmoak familiengan eragin eta gurasoei zein umeei euskara erabiltzeko espazioak eskaini nahi dizkie. Urriaren 12rako, Familia Eguna antolatu dugu Idotorben, Ludotekarekin batera.
Umeentzako kontzertuak eta tailerrak Idotorben
Elgoibarko Musika eta Dantza Eskolak, Udal Ludotekak eta Atxutxiamaikaren Kiribilduz programak umeentzako kontzertuak eta tailerrak antolatu dituzte HH3tik gorako umeentzat maiatzaren 21ean, 17:30etik aurrera.
"Haurren aurrean, helduok heldu" ekimenaren hasiera-ekitaldia, azaroaren 22an
Maalako parkean izango da, arratsaldeko 18:00etan hasita; 0 eta 12 urte arteko umeak eta umeekin harreman zuzena daukaten helduak daude gonbidatuta.
Urteko azken txanpa!
2017ak eman ditu bere onenak. Eguberriak dira eta bulegoko ateak itxita egongo badira ere, elkarteak eutsi egingo dio bere lan-dinamikari. Hona hemen urtea amaitu aurretik izango ditugun ekintza batzuk. Amaiera ona eman urte zaharrari, bazkide, eta hobeto hasi berria.
´Gure imajinarioa kantagintzaren bitartez´ ikastaroa, urriaren 5etik aurrera
10 orduko ikastaroa izango da, eta kantagintzak euskaldunon imajinarioa eraikitzeko orduan izan duen, eta duen, garrantzia landuko dugu. Elgoibarko Izarrak eta Elgoibarko Udalak elkarlanean antolatu dugu ikastaroa, eta irailaren 30era arte eman daiteke izena.
Atxutxiamaikak bere gune digitala du
Atxutxiamaikaren egitasmo ezberdinen informazioa biltzen duen gunea argitaratu dugu erabiltzaileentzako sarbidea erraztu eta Atxutxiamaika bere osotasunean ezagutzeko helburuarekin.
Neguko Txokoetan izena emateko aukera zabalik
Gaur hasi eta abenduaren 5era arte eman daiteke izena Atxutxiamaikak antolatutako Neguko txokoetan. Urtero bezala, HHko eta LH1 eta 2ko umeentzako eskaintza prestatu du Atxutxiamaikak.
Peru Harrira (Leitza) Familia irteera
Peru Harrira (Leitza) familia irteera antolatu du Atxutxiamaikaren Kiribilduz egitasmoak, Udalarekin lankidetzan. Bertan, Euskal kulturan trasmisioaren inguruan hitz egingo digu Iñaki Perurenak, Mitologiaren inguruan... Herri Kirolaren eta baserriaren munduan murgilduko gara jolastuz eta esperimentatuz. Goizean, bisita gidatua egingo dugu eta ondoren Leitzan bazkaldu eta bertan jolasak egingo ditugu.
Ludotekaren VII. Aste Nagusia
Elgoibarko Udal Ludotekako VII. ASTE NAGUSIAren atzera kontua hasi da. Urtero legez, ekintzez beteriko astea prestatu dute, eta haurrek zein familikoek aukera izango dute parte hartzeko iragarritako ekintzetan.
Umeek egindako Olentzeroen erakusketa
Aurten ez da Olentzero eta Mari Domingiren kalejirarik egongo kaleetan zehar, baina hala ere, ez dute hutsik egingo opariak banatzeko lanean. Atxutxiamaikak gainera, umeek egindako olentzeroekin erakusketa bat antolatu du.
HURBILTZEN EGITASMOA MARTXAN DA!
Familiek elkarren artean kulturartekotasuna eta hizkuntza aniztasuna aitortuz, modu horizontalean harremanak sortzeko aukerak izango dute, egingo diren dinamikez baliatuz.
Xamar: "Euskaldun sortu ginen, eta, nahigabe guztien gainetik, horrek gaitu betetzen"
Etsita eta mutu geratu zen euskal jendea Francoren diktadura gure gainera jausi zenean. Euskal Herriko paisaia iluna zen benetan, eta erdara gero eta toki zabalagoa hartzen hasi zen, euskararen kaltetan. Hala ere, 1960ko hamarkadan, berriro esnatu zen euskaldunak izateko nahia.
Talo ikastaroa haur, gazte eta helduentzat
Gure Esku Dago ekimenak eta Elgoibarko Izarrak talo ikastaroa antolatu dute abenduaren 19an. Bi eragileek taloak egingo dituzte neguko jaien bueltan, eta, herritarrak animatu nahi dituzte ekimen horietan parte hartzera.
“Elkano eta euskal marinelak munduari lehen biran”
Pandemiagatik etenda geratu zen “Euskal Herria Aro Modernoan” hitzaldi-zikloari segida ematera gatoz. Urriaren 26an izango da hitzaldia, Kultur Etxeko hitzaldi-gelan.
Eguberrietako apaingarriak egiteko tailerra familian
Familiaren hizkuntza transmisioa lantzeko helburuarekin eguberrietako apaingarriak egiteko familia tailerra antolatu du Atxutxiamaikaren Kiribilduz egitasmoak Udalarekin lankidetzan, HH4-LH3 adin tarteko umeentzako eta euren gurasoentzako.
Txokoen eskaintza berezia uztailean eta irailean
Atxutxiamaikak, gurasoen eskaerak jaso eta baloratu ondoren, Txokoen eskaintza berezia prestatuko du uztailean eta irailean.
Erosi nahi duzu Zuberoako ikastolaren aldeko otarrea?
Urtero moduan, aurten ere Zuberoako ikastolei laguntzeko aukera izango dugu elgoibartarrok. Zuberoko ikastolei lagunduko diegu eta, bide batez, gure barruak gozatuko ditugu.
Orientazio proba familientzako
Atxutxiamaikaren Kiribilduz egitasmoak, Udal ludotekak eta Morkaiko Mendizale Elkarteak elkarlanean, familientzako orientazio proba antolatu dute apirilaren 17rako, zapatua. Parte hartzaileek herriko txoko ezberdinak ezagutu ahal izango dituzte eta erronka ezberdinei ere aurre egin beharko diete ibilbidean zehar.
Bertso jaialdirako azken sarrerak!
50 sarrera baino gutxiago dauzkagu abenduaren 28an Herriko Antzokian izango dugun bertso-jaialdirako. Ostiral honetan itxiko da sarrerak aurretik erosteko aukera.
Urriaren 13an beteko da TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta urriaren 13ra arte egongo da zabalik 2023-2024 ikasturtean izena emateko epea.
Galarretako eta inguruko paisaia naturala ezagutzeko irteera
Gure natura ezagutuz egitasmoaren baitan Araba aldera joango gara urriaren 8an Galarretako ehunka urteko haritzak eta bertako eta inguruko paisaia naturala ezagutzeko. Bide batez, Lezeko leize inguruan bazkalduko dugu eta bertako inguru ikusgarriaz gozatzeko aukera izango dugu.
Zugarramurdira irteera LH5-6koentzat
Zugarramurdira egun-pasa antolatu dugu LH5eko eta LH6ko umeentzat. Otsailaren 24an izango da irteera eta izen-emate epea zabalik dago, jada.
Nola eragin haur eta nerabeek euskaraz egin dezaten?
Haurren eta nerabeen euskararen erabilera areagotzeko klabeak aztertzeko jardunaldia antolatu du Elgoibarko Izarrak, Udalarekin propio sinatu duen hitzarmenaren bidez finantzatuta. Azaroaren 28an izango da, goizez, eta Euskal Herriko hainbat adituk hartuko dute parte. Elgoibarko IMH ikastetxean izango da, goizeko 09:00etatik aurrera. Azaroaren 17ra arte eman daiteke izena.
0-5 urte bitartekoentzako "jolasa kalera barixakuetan" egitasmoa
Elgoibarko Udalak antolatzen duen "jolasa kalera barixakuetan" ekimena kudeatzen du Atxutxiamaikak. 0-5 urte bitartekoentzako jolas libreko espazioak diseinatu ditugu eta material ezberdinak jarriko ditugu euren eskura.
Elgoibarko toki-izenak
Herenegun (urriak 5) izan zen toponimia lanaren aurkezpena. Elgoibarko Izarrak eta Udalak antolatutako Izanaren izena egitasmoko lehen emanaldian 35 lagun inguru elkartu ginen, eta oso giro egokia sortu zen. Kultur Etxera azaldutako jendeari ongi-etorri egin ondoren, hitzaldiarekin hasi ginen.
Irailean ere gozatu Atxutxirekin!
Gaurtik uztailaren 4ra bitartean eman daiteke izena iraileko txoko osagarrietan.
San Bartolome jaietako Umeen eta Nerabeen Eguneko parte-hartze galdetegiak
Elgoibarko Udalak antolatu eta Atxutxiamaikak kudeatzen dituen Umeen Eguneko eta Nerabeen Eguneko hainbat ekintzetan parte hartzeko galdetegiak zabalik dira.
Udaberriko txokoetan eta Zarautzeko egonaldian izena emateko epea zabalik dago
Martxoaren 4ra arte izango da 2 eta 12 urte bitarteko umeentzako Atxutxiamaikaren eskaintzan izena emateko aukera; txikienentzako txokoak, eta Zarautzen lau egunetako egonaldia handienentzako.
Guraso nahiz hezitzaileentzako eskaintza
Kiribilduz proiektuaren baitan, guraso nahiz hezitzaileentzako, oro har, umeen heziketan parte hartzen duten helduentzako, bi hitzaldi antolatu ditu Atxutxiamaika Sailak Udalarekin lankidetzan.
Xamar: “Erdi Aroan euskara zen nagusi gure lurraldean, inguruan hainbat hizkuntza izan arren”
Euskaldunok ere erromatartu ginen, baina guk herriaren izena eta hizkuntza gordetzen jakin genuen, inguruko auzo-hizkuntzek ez bezala. Ideia horrekin eman genion amaiera Euskara Jendea ikastaroko bigarren saioari. Hirugarren honetan, berriz, Erdi Aroan zentratuko da Xamar. Erdi Aroan hamaika hizkuntza entzuten zen gure lurraldean, baina denen artetik euskara zen nagusi.
Amaitu dugu BATERA ELGOIBARREN herri-ekimenaren lehen fasea
10 urte barru Elgoibarren euskara gehiago egin eta entzuteko gure herrian bete behar diren baldintzak erabakitzea da Batera Elgoibarren herri-ekimenaren helburu nagusia. 105 elgoibartarrek hartu dute parte prozesuan eta zortzi dira onartu diren baldintzak. Irailean ekingo diogu ekimenaren bigarren faseari, eta abenduan aurkeztu eta onartuko dira baldintzak jendaurrean.
EUSKARALDIA proiektua aurkeztuko dugu abenduaren 3an, Kalegoen plazan
Elgoibarko Euskarak 365 Egun Taldeak EUSKARALDIA proiektua aurkeztuko du abenduaren 3an. Euskararen alde egotetik euskararen alde egitera pasatzeko proposamena izango da.
JOSTAILU ERAKUSKETA Jostailuen aukeraketa: zer hartu kontuan?
Azaroaren 24tik 26ra jostailu erakusketa antolatu dute Ludotekak, Gaztelekuak, Atxutxiamaikak eta Gazte Asanbladak, Udalarekin lankidetzan. Bertan, 60 jostailutik gora ezagutzeko aukera egongo da. Eta jostailuen aukeraketan kontuan hartu beharrekoak azalduko ditugu, izan ere, jostailuak ondo pasatzeko tresna izanda, komunikaziorako, lotura afektiborako edota balio hezitzaileak lantzeko ere oso egokiak dira.
Haurrentzako udaberriko aisia eskaintza
Atxutxiamaikak eta Ludotekak prestatutako udaberriko eskaintza prest dago jada, eta, izen ematea otsailaren 19tik martxoaren 5era arte izango da.
Zabalik dago Elgoibarko Izarraren santa eskean parte hartzeko izenemate epea
Urtero bezala, baserriz-baserri irtengo dira Elgoibarko Izarrako kideak otsailaren 4an, Santa Ageda bezpera egunean, hain zuzen ere. Koruetan parte hartu nahi dutenek urtarrilaren 30erako eman beharko dute izena.
Kiribilduz bueltan da!
Kiribilduz bueltan da eta hori ospatzeko bi ekintza desberdin egingo dira: bata maiatzaren 21ean eta bestea ekainaren 3an.
Sastarrain baserri eskolara familia irteera
Atxutxiamaikaren Kiribilduz egitasmoak Sastarrain baserri eskolara familia irteera antolatu du. Bertan, animalien bizimodua ezagutzeko aukera izango dute parte hartzaileek. Ekainberrira bisita ere egiteko aukera izango dute bertaratzen direnak.
Abenduaren 9an jarriko ditugu salgai aurtengo bertso-jaialdirako sarrerak
Abenduaren 26an izango da aurtengo bertso-jaialdia, eta hil honen 9tik 23ra egongo dira salgai sarrerak Elgoibarko Izarraren bulegoan. Herriko Antzokian izango da jaialdia, gaueko 22:00etan hasita.
Kiribilduz-en neguko postreen familia tailerra!
Abenduaren 14rako neguko postreen tailerra antolatu dugu. Familian errezeta goxo goxoak egiten ikasteko ekintza ezinhobea. Animatu!
Urriaren 2tik aurrera haizeak Iparraldetik joko du Elgoibarren!
Elgoibartarrok Iparraldea hobeto ezagutzeko programa prestatu dugu Gotzon Garate zenaren oroimenez urtero antolatzen dugun zikloan. Urriaren 2an ekingo diogu, eta azaroaren 14ra arte luzatuko da. Animatu eta parte hartu!
Euskaraz ez dakiten gurasoentzako ikastaroa
Euskaraz ez dakiten gurasoek euren umeekin euskaraz jolastu ahal izateko ikastaroa antolatu du Atxutxiamaikaren Kiribilduz egitasmoak. Gaztelaniaz izango da eta azaroaren 14an izango da hitzaldia.
GaraiONera Familia Irteera. Ipuin eguna + NaturArtea
Hizkuntzaren familia transmisioan eragiteko asmoz GaraiOn NaturArtera joango gara bisita antolatu du Atxutxiamaikaren Kribilduz egitasmoak. Ipuin ezberdinez gozatzeko aukera egongo da egun guztian zehar eta Naturarekin egindako artelanak ikusteko aukera izango dute izena ematen duten familiek.
Euskararen Nazioarteko Eguna antolatzeko bilera egingo dugu ostegunean
Ikastolak, Herri Eskolak, Institutuak, Udal Euskaltegiak, AEK Euskaltegiak eta Elgoibarko Izarrak deituta bilera egingo dugu datorren ostegunean, urriaren 10ean, aurtengo Euskararen Nazioarteko Eguna herritarrok elkarrekin ospatu eta aldarrikatzeko.
