RSS jarioaAlbisteak
Beinke! Bertso-eskolan izena emateko aukera zabalik
Azken urteetan bezala, hasiera emango diogu bertsozale gazteenen ikasturteari.
Txindurri Iturri sagardotegira familia irteera.
Hizkuntzaren familia transmisioan eragiteko asmoz Itziarko Txindurri Iturri sagardotegira familia irteera antolatu du Atxutxiamaikaren Kiribilduz egitasmoak, Udalarekin lankidetzan. Bertan, sagardoa nola egiten duten ikusi eta ikasteko aukera izango dute txikiek eta euren gurasoek, eta, gainera, bertan bazkalduko dute izena ematen dutenek.
Kiribilen zapatilak
Kiribilek zapatilak prestatu ditu bere laguntxoak arin eta alai ibil daitezen Elgoibarko kaleetan zehar. Dagoeneko zapatila mordoa saldu ditu.
Elgoibarko eta Mendaroko Gida Komertziala argitaratu dugu
Elgoibarko eta Mendaroko zerbitzuen 2017ko Gida Komertziala prestatu eta argitaratu dugu. Elgoibarko eta Mendaroko Udalen lankidetzarekin prestatu dugu, eta bi herriotako etxe guztietan banatuko dugu doan.
Salgai dauzkagu Elgoibarko Izarraren aurtengo bertso-jaialdirako sarrerak
Abenduaren 26an, osteguna, izango da bertso-jaialdia, eta sarreren aurre-salmenta Elgoibarko Izarraren bulegoan izango da, abenduaren 9tik 20ra.
Atxutxiamaikaren neguko eskaintzan izena emateko epea zabalik da!
Azaroaren 28tik abenduaren 8ra bitartean egongo da izena emateko aukera.
Jaietako Umeen Eguna diseinatzeko umeen iritzia jaso nahi dugu
Atxutxiamaikak, udalarekin elkarlanean, San Bartolome jaietako umeen eguneko zenbait jarduera antolatuko ditu eta umeen iritzia jaso nahi dugu horretarako.
Martxan da, berriz ere, TERTULIAK programa
Asteazkenean eman genion hasiera 2020-2021 ikasturteko Tertuliak programari, Eñaut Elorrietak eta Maite Larburuk Makina Erremintaren Museoan eman zuten kantaldiarekin. Tertuliak eguzki argitan bideoa ere sortu dugu.
Gaur, ostirala, oporrak hartuko ditugu!
Elgoibarko Izarraren bulegoko ateak eta pertsianak gaur itxiko dira. BARREN jaiekin batera bueltatuko da eta Ubitarteko bulegoa irailaren 3an zabalduko dugu. Ondo-ondo pasa abuztuko oporrak eta irailean izango dugu berriz ere elkarren berri.
Baguaz! bidaia-esperientziak: Biziminez, Josu Iztueta
Abenduaren 19an izango dugu Baguaz! bidaia-esperientziak programaren laugarren emanaldia. Josu Iztueta tolosarra izango da gurekin Bizimimez dokumentalarekin. AEB-ra furgonetaz egin zuten bidaiaren berri emango digu.
UDABERRIKO OPORRALDIA 2020
Hona hemen Elgoibarko Izarraren Atxutxiamaikak eta Elgoibarko Udal Ludotekak, haurrentzat prestatutako udaberriko oporraldirako eskaintza; txokoak, irteerak eta egonaldiak. Animatu parte hartzera. Izen ematea martxoaren 2tik 15era izango da.
Zabalik dago TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta dagoeneko zabalik dago 2018-2019 ikasturtean izena emateko epea.
Primerako Mintza Eguna!
Zapatuan Mintza Eguna ospatu genuen Elgoibarren. Urtero ospatzen da mintzalagunen eguna, eta aurten elkarteak 50 urte bete dituela-eta, gurera etorri dira mintzalagunak. Primerakoa izan zen eguna.
Olentzerori bisita, Mirandaolara familia irteera
Mirandaolara (Legazpi) familia irteera antolatu dute Ludotekak eta Kiribilduz egitasmoak, Udalarekin lankidetzan. Bertan, Olentzerori bisita egiteko eta ardien mundua ezagutzeko aukera izango dute txikiek eta euren gurasoek. Goizean, ardien mundua ezagutzeko bi txanda egongo dira, gazta dastatzeko, ikuilua bisitatzeko... Bazkal orduan herrira jeitsiko gara, bertan bazkaldu eta arratsaldean Olentzerori bisita egiteko beste bi txanda egongo dira.
Martxan da, jada, Aldenik Alden programa
Atxutxiamaikak LH4-6 bitarteko ikasleei eskaintzen dien programa da. Programaren oinarriak euskararen erabilera, parte hartzea, hezkidetza eta inklusioa dira eta horiek lantzeko jarduera mota ezberdinak garatzen dira umeekin batera.
Badator berriz ere Kiribil! Barixakuan 17:30ean Maalako parkean izango da!
Atxutxiamaikaren Kiribilduz egitasmoaren baitan, saioa antolatu dugu barixaku honetan, irailak 22, 17:30ean Maalako parkean. Bertan, Kiribilek eta bere lagunek haurreei eta gurasoei euren abenturak kontatuko dizkiete eta elkarrekin jolastuko dute.
ATERA SELFIEA!
Elgoibarko denda eta taberna-jatetxeetan euskararen erabilera handitzeko kanpaina, apirilaren 13an hasiko da kanpaina eta maiatzaren 17ra arte luzatuko da.
Bertsolari Txapelketa Nagusiko sarrerak ditugu salgai
Barakaldoko BECen abenduaren 15ean jokatuko den finalerako sarrerak ditugu salgai bulegoan. Baita egun horretarako autobuseko eta bazkariko tiketak ere.
Abuztuaren 30etik irailaren 7ra ere TXOKO OSAGARRIAK!
Elgoibarko Izarra Euskaltzaleon Topagunea elkarteak, txoko osagarriak eskainiko ditu udako oporren bueltan.
Euskararen eguneko esaldi lehiaketa
Elgoibarko Izarrak eta Gaztelekuak, euskararen eguneko esaldi lehiaketa antolatu dugu laugarren urtez. DBH eta BATXIko ikasleentzako antolatu da lehiaketa, eta euskarari lotuta egon behar du esaldiak. Lehiaketa irabazten duen esaldiarekin kamiseta bat prestatuko dugu, eta 13-18 urte bitarteko nerabeen artean banatuko dugu, doan.
Udaberriko oporraldiko eskaintza gehigarria
Atxutxiamaikak eta Ludotekak udaberriko oporraldian hainbat ekintza gehigarri antolatu dituzte: SotoTK (1-4 urte bitartekoentzat), ikuskizuna eta kaleko ekintzak (HH2-Lh6 urte bitartekoentzat)
Zer eragin izan zuen gure antolaketa sozio-politikoan Erromaren etorrerak?
Jokin Lanz historialaria eta EHU-ko irakaslea izango da Erroma Euskal Herrian hitzaldi-zikloaren bigarren gonbidatua. Erromaren etorrerak gurera ekarri zuen aldaketa izugarriaren berri emango digu Lanzek.
Leire Garatxena da Atxutxiamaikako arduradun berria
Leire Garatxena Larrabek (Ajangiz, 1991) ordezkatuko du Naiara Martin Atxutxiamaika aisialdi taldean, aldi batez. Bera izango da Sailaren arduraduna.
Edu Iriondoren “Satorra eta gu” kontzertua, uztailaren 3an
Mungian bizi den Edu Iriondo elgoibartarraren bigarren lana da “Satorra eta gu” diskoa. Herriko Antzokian izango da kontzertua eta sarrerak salgai daude dagoeneko.
Abenduaren 24a prestatzen gabiltza, lagunduko diguzu?
Olentzero eta Mari Domingiren etorrera ospatuko dugu abenduaren 24an, eta, horrez gain, talo-postua eta tonbola ere izango ditugu Kalegoen plazan.
EUSKARAREN EGUNA, esaldi lehiaketa
Euskara foku izanda, euskal kantuetatik esaldi bat atera beharko da.
Xamar: "Etsipenak jota, gerren artetik bizirik irtetea lortu zuten euskaldunak"
Bagoaz, poliki-poliki, gure hizkuntzaren historia hobeto ezagutzeko bidean, Xamar bidelagun hartuta. Bosgarren kapitulura iritsi gara, eta seigarrena baino ez zaigu falta ikastaroa amaitzeko. Azken-aurreko kapituluan, gerra artean bere burua altxatu nahian dabilen Euskal Herria ikusi dugu.
Aldenik Aldeneko OTSAILEKO eskaintza
Oñatiko Arrikrutz kobazulora irteera otsailaren 12an.
Apirilaren 15ean zabalduko dugu Atxutxiamaikaren eta Udal Ludotekaren udako eskaintzan izena emateko epea
Ekainaren 24tik uztailaren 21era bitarteko eskaintza prestatu dugu HH2-LH6 bitarteko umeentzat. Apirilaren 15etik 28ra bitartean egongo da izena emateko aukera.
Eguberriak elkartearen bueltan
Oporretan elkarren aurpegiekin ez ahaztearren gehiegi ezkutatu gabe pasa ditugu eguberriak. Olentzero eta Mari Domingiri ongietorria lehenengo, Bertso-saioa gero, eta aisialdiko negulekuak bukatzeko. Hau bai menu ona!
Atxutxiamaikako udaldia
Maiatzaren 2an zabalduko da Atxutxiamakaren udalekuetan izena emateko epea. Aurtengoan ere udaleku irekiak eta itxiak eskainiko ditu aisialdi taldeak.
LH3-6 bitartekoentzako neguko eskaintza
Atxutxiamaikaren Aisia egitasmoak eta Ludotekak eskaintza berezia prestatu dute aurtengoan 9-12 urte bitarteko gaztetxoentzako.
Ostiralean itzuliko da Kiribil
Ostiralean, hilaren 20an, itzuliko da Kiribil plazara. Beti bezala, 17:30ean agertuko da Kiribil Kalegoen plazara uda oporretan pasa ondoren. Musikarekin jolas egiteko asmotan datorrela esan digu.
Beinke! bertso-eskolan izena emateko epea zabalik
Bertsolaritza ezagutzeko, ahozkotasuna eta komunikazioa lantzeko eta hizkuntzarekin jolasean ikasteko aukera paregabea eskaintzen du bertso-eskolak. Duela bi urte zabaldu zen herrira bertso-eskola, Beinke bertso-eskola, eta ordutik taldea haziz joan da. Gustura daude ikasle eta irakasle jardundakoak, eta aurrera egiteko indartsu.
Eskutik hartuta heldu diogu Euskararen Nazioarteko Eguna herritarrok elkarrekin antolatzeari
Abenduaren 3an Euskararen Nazioarteko Eguna ospatzeko ideia landu genuen lehenengo bileran. Bi aste barru zehaztuko ditugu ekimenaren xehetasunak, eta hurrengo bilera horretan parte hartzeko gonbidapena egin nahi diegu atzo etorri ezin izan zuten herritarrei.
"Sugarren mende" liburuaren aurkezpena, TERTULIAK programaren ikasturte amaierarako
Aurten liburu baten aurkezpena izango dugu TERTULIAK programaren ikasturte amaierarako. Asisko Urmeneta (Iruñea, 1965) eta Helena Xurio (Zugarramurdi, 1970) etorriko dira gurera Sugarren mende liburua aurkeztera.
Jolastuz eta gozatuz hasi dute oporraldia 243 umek Atxutxiamaikaren Udako Txokoetan
Ikasturtea amaitu berri, udako oporraldia hasi dute txikienek Elgoibarko Izarraren Atxutxiamaika aisialdi taldeak antolatzen dituen Udako Txokoetan.
“Euskaratik eta gure mundu erreferentzialetik egin behar dugu, besteen ispiluetan gure buruaren bila ibili gabe”
‘Euskaratik eta euskaraz, herri hau sortzen’ izenburuko hitzaldia eskaini zuten joan zen eguaztenean Uxue Alberdi eta Maialen Lujanbio bertsolariek Elgoibarren, elkarrizketa formatoan.
Eguberri, egun berrixak
Badatoz eguberriak eta Atxutxiamaikak, herriko eragile ezberdinekin batera, garai hauen bueltan sortutako ikus-entzunezkoak batu ditugu herritarren eskura jartzeko helburuarekin.
Euskara, generoaren ikuspegitik begiratuta
Euskalgintza eta feminismoa, eskutik helduta zikloaren barruan, urriaren 18an Euskara, generoaren ikuspegitik hitzaldia izango dugu. Mondragon Unibertsitateko irakaslea den Amelia Barquinek emango du hitzaldia, eta, besteak beste, uste batzuk ezeztatzeko balioko du.
HURBILTZEN egitasmoak BI HITZALDI eskainiko ditu.
Azaroaren 29an eta 30ean "euskara bide gurutzean" eta "disfrutando de los idiomas" hitzaldiak izango dira, Kultur Etxeko hitzaldi gelan arratsaldeko 17:30ean. Zaintza zerbitzua eskainiko da.
HAURREN AURREAN, HELDUOK HELDU ekimena, azaroaren 22tik abenduaren 5era
0 eta 12 urte arteko umeekin harreman zuzena duten helduen arteko hizkuntza-praktikak aldatu eta euskara gehiago erabil dezaten prestatutako aktibazio ekimena da Haurren aurrean, helduok heldu.
Sanbartolomeetako Umeen eta Nerabeen eguneko kamiseten irudiaren lehiaketa
Aurtengoan ere Umeen eta Nerabeen Eguneko zenbait ekintza kudeatuko ditu Atxutxiamaikak, Udalaren eskariz. Horien artean, estreinakoz antolatu dugun Umeen eta Nerabeen Eguneko kamiseten irudi lehiaketa. Parte harztaileek ekainaren 7ra arte izango dute lanak entregatzeko aukera eta Egur Arte Tailerraren laguntza izango dugu lanen aukeraketa egiteko.
Olentzero eta Mari Domingi
Tradizioari eskutik helduta etorriko dira Olentzero eta Mari Domingi, abenduaren 24an. Kantuak, dantzak eta gutunak izango ditugu biei ongi-etorria egiteko.
Zure irrien egarri
Atxutxiamaika Aisialdi Taldeak "Cup Song" kantuaren bertsioaren grabaketa egin du Udako Txokoetan. Hemen duzue abestia entzuteko eta abesteko aukera!
Euskara ala ezkara mundu digitalean?
Mundu digitalean zentratuko gara aurtengo Euskara ala ezkara zikloan. Euskarak mundu digitalean duen presentzia eta eragina aztertzeko prestatu dugu egun osoko jardunaldia. Urriaren 5ean izango da, IMH ikastetxean.
Abenduaren 24ko egitaraua
Abenduaren 24a bertan dugu eta ume eta helduentzako moduko egitaraua prestatu dugu.
Oporrak hartuko ditugu gaur!
Gaur, abenduak 23, oporrak hartuko ditugu urtarrilaren 2ra arte. Ondo amaitu urte zaharra, bazkide, eta ea urte berrian asko eta ondo egin-eragiten dugun.
Elgoibarko Izarraren Santa Ageda koruetan parte hartu nahi?
Bi urteko etenaren ondoren, aurten berriz ere irtengo gara kantuan eta eskean baserriz baserri. Otsailaren 4an izango da hitzordua. Aurten, gainera, hirugarren talde bat ere sortuko dugu: familien taldea. Parte hartu nahi dutenek urtarrilaren 27a baino lehen eman beharko dute izena.
Logotipo berriak ziklo berrirako
Izaera berriak irudi berria ere eskatzen duela pentsatu dugu, eta logotipo berriak prestatu ditugu Elgoibarko Izarraren ziklo berrirako. Orain artekoak oroitzapenen armairuan gorde, eta hiru logotipo berri izango ditu aurrerantzean elkarteak.
662 umek eta nerabek hartu dute parte Atxutxiamaikaren udako aisialdi eskaintzan!!
Amaitu da gure txiki eta nerabeentzat prestatzen dugun udako aisialdi eskaintza. Ekainean ekin genion Atxutxiamaikak, ludotekak eta gaztelekuak elkarlanean prestatutako aisialdi eskaintzari, eta uztailarekin batera amaitu dugu. Parte-hartzea benetan altuan izan da, eta gustura gaude umeek, gazteek, hezitzaileek eta gurasoek izan duten jarrerarekin.
60 lagunetik gora, aurtengo Santa Ageda koruetan
Inoiz baino jende gehiago bilduko gara aurten. Otsailaren 4a larunbatarekin batera datorrela aprobetxatuta, 60 lagunetik gora jardungo dugu baserriz baserri kantuan eta eskean.
Elgoibarko Izarraren Santa Ageda koruetan parte hartu nahi?
Aurten ere ez diogu huts egingo duela 25 urte berreskuratu genuen ohitura zaharrari. Otsailaren 4an daukagu hitzordua Elgoibarko baserritarrekin. Kantuan eta eskean irtengo gara baserriz baserri, usadio zaharrak agintzen duen moduan. Parte hartu nahi dutenek urtarrilaren 28ra arte izango dute izena emateko aukera.
Eman izena Tertuliak programan
Animatu eta izena eman. Astean ordu bat besterik ez dizugu eskatzen; trukean esperientzia aberatsa biziko duzu!
Euskara Jendea ikastaroa, gure hizkuntzaren eta herriaren historia hobeto ezagutzeko
Azken sei urteotan egin dugun moduan, aurten ere ekimen berezia prestatu dugu urrirako Elgoibarko Izarra Euskaltzaleon Topaguneak eta Elgoibarko Udalak: Euskara Jendea ikastaroa, hain zuzen ere.
Katamixarren basoa; naturan hazi eta hezteko gunea
Txillarre Baserriak eta Elgoibarko Izarrak proiektu berri bat jarriko dute abian irailean: Katamixarren basoa. Eskola orduz kanpoko jarduera izango da eta naturan hazi eta hezteko gunea eskainiko zaie bertan parte hartuko duten umeei. HH3tik gorako umeei zuzenduta egongo da.
Sagardotegira etorri nahi?
Urtero bezala, aurten ere sagardotegira joango gara. Egun eder bat pasa nahi baduzu Elgoibarko Izarrako lagunekin, animatu eta eman izena urtarrilaren 31 baino lehen.
Aldenik Alden egitasmoaren azaroko programa prest dugu
LH4-6 bitarteko umeentzako bi ekintza antolatu ditugu hilabete honetarako. Gaur hasi eta azaroaren 23ra arte egongo da izena emateko epea.
Gaur oporrak hartuko ditugu!
Gaur, abenduak 20, oporrak hartuko ditugu urtarrilaren 7ra arte. Atsedena hartuko dugu 2025ean gure onena emateko, zeregin asko eta garrantzitsuak dauzkagu eta.
Esaldi lehiaketa
Atxutxiamaikak eta Gaztelekuak, euskararen eguneko esaldi lehiaketa antolatu dugu bostgarren urtez. DBH eta BATXIko ikasleentzako antolatu da lehiaketa, eta euskarari lotuta egon behar du esaldiak. Lehiaketa irabazten duen esaldiarekin kamiseta bat prestatuko dugu eta 13-18 urte bitarteko nerabeen artean banatuko dugu, doan.
Gaur, uztailak 29, oporrak hartuko ditugu!
Beste askok bezala, Elgoibarko Izarrak ere oporrak hartuko ditu gaur. Elkarteko ateak itxita egongo dira abuztuan, eta irailaren 1ean irekiko ditugu berriz ere. Ondo-ondo pasa oporrak dauzkazuenok eta, batez ere, oporrik ez daukazuenok.
Euskara ala Ezkara ertzetan? Bideoak eta kronikak sarean
Dagoeneko euskaraalaezkara.eus webgunean daukagu Euskara ala Ezkara ertzetan? jardunaldiak emandakoa. BARRENeko Ainara Argotiaren kronikak eta Lutxi Arregiren bideoak zintzilikatu ditugu.
Haurren aurrean, helduok heldu hitzaldia, azaroaren 9an
0 eta 12 urteko umeekin harreman zuzena duten helduen arteko hizkuntza portaerari eragiteko sentiberatze eta kontzientziatze saio parte hartzailea emango du Paula Kasaresek.
Tximeletak ezagutzera irteera, Arantzazura
Morkaiko Mendizale Elkartearen, Elgoibarko Baso Biziak elkartearen eta Atxutxiamaikaren "Gure natura ezagutzen" programaren hurrengo ekintza ekainaren 2an izango da, tximeletak ezagutzeko irteera hain zuzen ere.
Datorren ostiralean "Ez gara Palestinaz ari" ikuskizuna Herriko Antzokian
Bertsoak, antzerkia, musika eta poesia uztartzen dituen ikuskizuna antolatu du Beinke bertso-eskolak datorren ostiralerako. 20:30ean hasiko da saioa, Herriko Antzokian.
Euskal izen-abizenen historia
“Amaia, debekatuta zaude!”. Hori izan zen Mikel Gorrotxategik asteazkenean eman zuen hitzaldiarei jarri zion izenburua. Mikelek esan zigunez, “gure izen-abizenen historia berreskuratzeko hitzaldia da”, eta horretan jardun zuen ordubetez Euskaltzaindiko Onomastika batzordeko idazkariak.
Udako oporraldiko aisialdi eskaintzan izena emateko epea astelehenean zabalduko da, apirilak 25
Udal Ludotekak eta Atxutxiamaikak haurrekin elkarlanean HH5etik hasita LH 6 (5-12 urte) bitarteko haurrei zuzenduriko programa landu dute ekainaren 27tik uztailaren 22ra arte aurrera eramango dena. Bestalde, Elgoibarko Izarra Euskaltzaleon Topagunearen Atxutxiamaikak, Udalarekin lankidetzan HH2-HH4 ko haurrentzako eskaintza ere egingo du, data berean. Izen ematea www.elgoibarkoizarra.eus webgunean, Elgoibarko Izarraren bulegoan edota Ludotekan burutu behar da. Plaza mugatuak dira.
HH5-LH3 bitartekoentzako Udaberriko eskaintza
HH5-LH3 bitarteko haurrentzako udaberriko eskaintza luzatzea eta zabaltzea erabaki dugu. Arratsalde-pasa bat, egun-pasa bat eta Master Chef saio bat, hain zuzen ere. Apirilaren 5era arteko epea izango dute interesatuek izena emateko.
Euskara ala Ezkara Kirolean? jardunaldia izango dugu irailaren 3an
Elgoibar, kirola eta euskara. Hiru elementu horiek izango dira aurtengo jardunaldiko osagaiak. Irailaren 3an, larunbata, izango da jardunaldia IMH Campusen, 9:30ean hasi eta 14:30ak arteko iraupenarekin. Zabalik dago izena emateko epea.
129 bazkidek bete duzue parte-hartzeko fitxa. Eskerrik asko!
Apirilaren 16ra arteko epea jarri genuen bazkideok parte-hartzeko fitxa betetzeko, eta 129 bazkideren erantzunak jaso ditugu. Benetan gustura gaude jaso ditugun erantzunekin, eta Elgoibarko Izarra prest dago, 50 urteko jardunaren ondoren, ziklo berriari ekiteko.
Supermintzalaguna izateko prest?
Abian da Mintzalagunen 20. kanpaina. Euskaraz aritzeko ohiturarik ez daukatenak eta badaukatenak astean ordubetez berriketara batzen dituen egitasmoa da Mintzalagun programa.
EUSKARA ALA EZKARA ERTZETAN? jardunaldia, urriaren 16an
Gero eta gutxiago falta aurtengo Euskara ala Ezkara jardunaldirako. Urriaren 16an izango da, IMH ikastetxean. Izen-ematea zabalik dago.
Aldenik Alden programaren ekaineko eskaintzan izena emateko epea zabalik dago
Ikasturteari amaiera emateko egun-pasa antolatu dugu. Pista-jolas bat egingo dugu goizean eta ondoren, Mintxetako igerilekuetan bazkalduko dugu elkarrekin.
“Elgoibarko Izarrako presidentea izatea ohore bat da niretzat”
Saltsa askotako perrexila da Iñaki Konde. Ez da atzo goizekoa, baina energiaz gainezka dago bizitzari eta erronkei aurre egiteko. Elgoibarko Izarrako presidentea izatea da haren hurrengo erronka, eta gustura helduko diola aitortu digu. 2013ko abenduaren 31ra arteko konpromisoa hartu du.
JOSTAILU ERAKUSKETAKO ZOZKETAKO IRABAZLEA
Mikelek irabazi du jostailu erakusketako zozketa.
Prest daukagu urte amaierako bertso jaialdia
Aurten ere puntako bertso jaialdia izango dugu Elgoibarren urteari amaiera emateko. Abenduaren 28an izango da Herriko Antzokian, 20:00etan hasita.
Euskal matriarkatuaren gaineko hitzaldia, gaur
“Mitoak eta historia” zikloaren barnean, euskal matriarkatuaren gaineko hitzaldia izango dugu gaur Aita Agirre kultugunean, 19:00etan hasita.
Atxutxiamaikaren udako eskaintzan izena emateko epea zabalik da!
Martxoaren 21etik apirilaren 13ra bitartean egongo da izena emateko aukera.
