RSS jarioaAlbisteak
Jostailuen erakusketa antolatu dute Atxutxiamaikak, Ludotekak eta Gaztelekuak
Haur eta nerabeentzako jostailuen inguruko erakusketa egongo da ikusgai ostegunean eta ostiralean, Kultur Etxeko Sotoan. Jostailuak aukeratzerakoan kontuan hartu beharrekoa azaltzen ahaleginduko dira antolatzaileak.
Elgoibarko Izarraren lan eskaintzak
Elgoibarko Izarrak Atxutxiamaika aisia hezitzailea egitasmorako koordinatzailea eta aldi baterako arduraduna behar ditu.
Gurasoak mingainak dantzan jarri nahi ditugu
Euskara ikasten ari bazara eta zure seme-alabekin euskaraz gehiago berba egin nahi baduzu, edo egoera horretan dauden beste guraso batzuei lagundu nahi badiezu, zuen intereseko ekimen baten berri eman nahi dizugu. Atseginez aurkeztu nahi dizugu Elgoibarko ikastentxeetako gurasoei zuzendutako ekimen bat; gurasoentzako TERTULIAK programa hain zuzen ere.
Ekigain ospatuko dugu ekainaren 21ean
Udako solstizioa emango da ekainaren 21ean eta hori ospatzeko Ekigain jaia antolatu dugu Sallobenten. Aurtengoan herriko sortzailekin osatu dugu egitaraua eta auzoko elkartearen elkarlana izango dugu.
Streaming bidez emango dugu abenduaren 29ko bertso saio literarioa
Abenduaren 29an Herriko Antzokian izango den bertso saio literarioa zuzenean on-line ikusteko aukera izango da barre.eus webgunean.
HAURRENTZAKO NEGUKO OPORRALDIKO ESKAINTZA
Atxutxiamaikak eta Ludotekak, Neguko Oporraldiko eskaintza prest dugu jada, eta, gaurtik abenduaren 4ra bitartean izango da izena emateko epea.
Bertan behera geratu da Elgoibarko Izarraren Txiki eguneko herri-bazkaria
Elgoibarko Izarrak bertan behera laga du Txiki eguneko aurtengo herri-bazkaria, behar beste jende animatu ez delako.
Bukatu dira Atxutxiren udalekuak!
Penaz bukatu dituzte udalekuak Atxutxiko ume, guraso eta hezitzaileek, baina pozik, hilabetea ezin hobeto joan delako. Mikel Etxanizek eta Naiara Martinek udalekuen balorazio azkar bat egin digute bideo motz honetan. Urriaren 3tik 6ra izango da udalekuen erakusketa, Kultur Etxeko erakusketa gelan.
Bertan behera geratu da erromeria
Inazio Bereziartua musika eta dantza eskolak, Udal ludotekak eta Atxutxiamaikak elkarlanean "erromeria familian" ekimena antolatu dugu maiatzaren 12an, barixakua. Azkue auzoko zelaian egingo da eta euria eginez gero, bertan behera geratuko da.
Gaueko zerua ezagutzeko irteera bertan behera
Gure natura ezagutzeko bere denborak errespetatzea ezinbestekoa da. Kasu honetan, zerua lainotuta egongo da barixakuan, beraz, ezingo dugu gaueko zerua ezagutu. Oskarbi egongo den barixaku batean egingo dugu ekintza. Jakinaraziko dizuegu eguna.
Euskararen eguneko esaldi lehiaketa
Elgoibarko Izarrak eta Gaztelekuak, euskararen eguneko esaldi lehiaketa antolatu dugu laugarren urtez. DBH eta BATXIko ikasleentzako antolatu da lehiaketa, eta euskarari lotuta egon behar du esaldiak. Lehiaketa irabazten duen esaldiarekin kamiseta bat prestatuko dugu, eta 13-18 urte bitarteko nerabeen artean banatuko dugu, doan.
Badator berriz ere Kiribil! Gaur, 17:30ean Maalako parkean
Atxutxiamaikaren Kiribilduz egitasmoaren baitan, Maalako parkean saioa antolatu dugu. Gaur, ostirala, urriak 19, 17:30ean Kiribil eta bere lagunak etorriko dira. Bertan, haur eta gurasoekin batera jolastu eta dantzatzeko.
Datorren eguaztenean hasiko da urriko hitzaldi-zikloa
Elgoibarko Izarrak eta Udalak elkarlanean antolatu ohi dugun hitzaldi-zikloa hasiko da datorren eguaztenean. Eñaut Elorrietak eta Mikel Markezek emango diote hasiera zikloari hitzaldi musikatu batekin.
Zabalik dago TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta dagoeneko zabalik dago 2021-2022 ikasturtean izena emateko epea.
"Askatasunean hazi, hezi eta bizi", askatasunaren pedagogian oinarritutako ikastaroan izena emateko aukera zabalik
Askatasuna zalantzan jarri ezin den printzipioa da eta umeek ere askatasun hori merezi dute, hau da, ez dute inoren zuzendaritzarik behar, are gehiago, zuzendaritza baten beharra suposatzeak oinarrian duen gako filosofiko-existentziala kuestionatu behar dugu; ez garela gure bizitza gidatzeko gai.
Auzoko familiak- Hurbiltzen egitasmoa martxan da
Azaroan emango zaio hasiera Auzoko Familiak – Hurbiltzen egitasmoari. Gaur hasi eta ikasturte osoan zehar egongo da egitasmoan izena emateko aukera. Auzoko Familiak (lehen Hurbiltzen) euskaratik urrun eta euskaratik gertu bizi diren familien elkarbizitzarako gune izateko sortu da. Familien arteko harrera egitea da egitasmoaren helburua eta euskara eta aniztasuna oinarri hartuta, bizikidetzarako espazioak sortzen dira.
Ostiralean amaituko da Euskara ala Ezkara jardunaldian izena emateko epea
Euskara ala Ezkara ertzetan? izango da aurtengo jardunaldiaren leloa, eta, besteak beste, XXI. mendeko euskal identitateak aztertuko dira.
Martxan daukagu Daixola egitasmoa, 102 gaztetxorekin
102 gaztetxo, 7 gazte-koadrila, eta 12 hezitzaile. Horiek dira Atxutxiamaikaren baitan sortu den Daixola egitasmoari ekiteko dauzkagun kopuruak. Aurreikuspen guztiak gainditu ditugu.
Narrastiak ezagutzeko irteera Araotzera
"Gure natura ezagutuz" egitasmoaren baitan narrastiak ezagutzeko irteera antolatu dugu Morkaiko Mendizale elkarteak, Elgoibarko Baso Biziak elkarteak eta Atxutxiamaikak maiatzaren 27an. Araotzera joango gara, Oñatira, eta narrastiak ezagutzeaz gain, bertako parajeaz gozatzeko aukera izango dugu.
HH5 eta LH6 bitarteko haurrentzako udako aisia eskaintzan izen ematea zabalik!
HH5etik LH6ra arteko neska-mutilentzako eskaintza izango da eta 10:00etatik 13:00etara garatuko dira jarduerak. Zabalik dago izena emateko epea, eta interesatuek ekainaren 18ra arteko tartea dute horretarako
Zabalik dago TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta dagoeneko zabalik dago 2017-2018 ikasturtean izena emateko epea.
Euskara ala Ezkara Elgoibarren? jardunaldiaren LABURPEN-BIDEOA prestatu dugu
Urriaren 3an bildu ginen 50 lagun IMH ikastetxean Elgoibarko euskalgintzaren eta kulturgintzaren diagnosia bateratua egiteko helburuarekin. Egunak eman zuenaren laburpen-bideoa sortu dugu.
Bihar, uztailak 30, oporrak hartuko ditugu!
Bihar itxiko ditugu Elgoibarko Izarraren bulegoko ateak. Hilabeteko oporrak hartu eta irailaren 1ean bueltatuko gara lanera. Gozatu abuztuan, oporrak izan edo ez.
Bertso-merienda ostiralean Miren Artetxe eta Ander Solozabalekin
Bertso-eskola zer den azaltzeko eta bertsoekin zein ondo pasa daitekeen erakusteko Bertso-merienda antolatu dute Beinke bertso-eskolako lagunek ostiralerako. Miren Artetxe eta Ander Solozabal bertsolariak izango dira gonbidatu bereziak.
Aldenik Alden programaren urriko eskaintzan izena emateko epea zabalik dago
Urriaren 20an hasiko du ikasturtea LH5-6koentzako diseinatutako Aldenik Alden programak.
Albaolara familia irteera
Atxutxiamaren Kiribilduz proiektuak familia irteera antolatu du ekainaren 14an Albaolara. "Txo" pertsonaiak bisita gidatua egiteaz gain, Pasaiako badian zehar ibiltzeko eta tailerrak egiteko aukera izango dute txikiek, eta ez hain txikiek.
Elgoibarko Udalak eta Elgoibarko Izarrak 2020ko Errenta kanpainan aitorpenak euskaraz egitera animatzen dituzte elgoibartarrak.
Elgoibarko Udalak eta Elgoibarko Izarrak gonbita egiten diete elgoibartarrei, herritarren hizkuntza gaitasunak balioan jarriz, errenta aitorpena egitean eta Ogasunarekiko harreman hizkuntza zehaztean, euskara aukeratu dezaten.
Astelehenean zabalduko da landa-koaderno tailerrean izena emateko epea
Gure natura ezagutuz programaren baitan, Egur arte tailerrarekin batera antolatu dugun landa-koaderno tailerra izango dugu apirilaren 13an. Tailerra aire librean izango da 10:00etatik 13:00etara bitartean eta izen ematea astelehenean zabalduko dugu.
Udaberri festa
Udaberriari hasiera emateko, Atxutxiamaikak HH2-LH2 tarteko haurrentzako ekintza ezberdinak antolatuko ditu martxoaren 24an, zapatuan; tailerrak, jolasak, eskulanak...
Jostailuak aukeratzeko katalogoak eskuragarri
Eguberrien gertutasuna dela eta, Atxutxiamaikak, Udal Ludotekak eta Udal Gaztelekuak eskuragarri jarri ditugu aurreko urteetan elkarlanean sortutako jostailuen katalogoak. Katalogo hauek 2015etik 2021era antolatu diren jostailuen erakusketetan hautaturiko jostailuak biltzen dituzte.
Goazen sagardotegira elkarrekin!
Sagardotegira irteera antolatu dugu apirilaren 13rako. 50. urteurrena ospatzeko baliatuko dugu irteera hau ere, eta beraz, bazkide eta herritarrak gonbidatu nahi ditugu.
ERROMERIA FAMILIAN
Musika Eskolak, Udal Ludotekak eta Atxutxiamaikak, musikaren erritmoarekin bete eta alaituko dute Azkue auzoa maiatzaren 20an, barixakuan
Orientazioa familian
Morkaiko Mendizale Elkarteak eta Atxutxiamaikak "Orientazioa familian" ekintza antolatu dugu irailaren 28rako. Familiek orientazioa lantzeko ibilbide bat egiteaz gain, froga ezberdinak gainditu beharko dituzte.
Otsailaren 2an ospatuko du Atxutxiamaikak Santa Ageda eskea
Iaz moduan, aurten ere Atxutxiamaikak Azkue auzoko baserriak koplatuko ditu Santa Ageda egunaren harira. Familiei eta umeei egokitutako ekimena bada ere, gurekin etorri nahi duen edozein izango da ongi etorria.
Zabalik dago TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta dagoeneko zabalik dago 2019-2020 ikasturtean izena emateko epea.
ITURRARAN PARKETXERA FAMILIA IRTEERA
Azaroaren 13an, zapatua, Iturraran parketxean (Aia), familiaka burutzeko jolas bat egingo da.
San Bartolome jaietako Umeen eta Nerabeen Eguneko kamiseten irudi lehiaketa martxan da
Aurtengoan ere Elgoibarko Izarraren Atxutxiamaikak Umeen eta Gazteen Eguneko zenbait ekintza kudeatuko ditu, eta hasi gara, jada, antolaketarekin.
Tertuliak programako 6 lagunek parte hartu dute Izarran ospatu den Mintza Egunean
Euskal Herriko Euskaltzaleen Topaguneak antolatzen duen Mintza Eguna Arabako Izarran izan da aurten, eta elkarteak kudeatzen duen Tertulia programako sei lagun egon ziren bertan zapatuan. Eguraldi hotza baina giro beroa izan zutela esan digute Izarran egon zirenek.
Elgoibarko I. Koplaldia, ekainaren 7an
Bi aurkezle, 10 bertsolari, 4 musikari eta bolatokia bete bertsozale. Hori da lortu nahi dugun kuadroa. Kanporaketa sistema izango du koplaldiak, irabazle batekin, baina jai giroa nagusitzea da antolatzaileon helburua. Bolatokian izango da, 21:30ean hasita.
Joxe Azurmendi: Herria, hizkuntza, kultura
Haritz Azurmendik eta Lorea Agirrek jardungo dute elkarrizketan Joxe Azurmendi filosofoaren gainean. Irailaren 28an izango da, Aita Agirre kulturguneko areto nagusian.
Ameriketako indigenak Elgoibarko Izarran
Amerikatik etorritako sei lagun izan genituen bisitan Elgoibarko Izarran martxoaren 25ean. Mexikokoak ziren lau, maia, nahuat, yucateco eta totonakú hizkuntza-herrietakoak, eta Txilekoa eta Boliviakoa beste biak, maputxea bata eta kitxua bestea.
HITZALDIA: “Akitania-Baskonia eta franko karolingioen erresuma aurrez aurre”.
Goi erdi aroa: Erromaren gainbeheratik Iruñeko erresumaren sorrerara. Mende ilunak argitzen zikloaren bigarren hitzaldia izango dugu bihar, osteguna. Aita Agirre kulturgunean izango da, arratsaldeko 19:00etan hasita.
Ongi etorri KIRIBIL!
Gaur, ekainak 3, Kiribil bueltan izango da Malako parkean 17:00etatik 19:00etara.
Salgai dauzkagu Elgoibarko Izarraren aurtengo bertso-jaialdirako sarrerak
Abenduaren 28an, osteguna, izango da bertso-jaialdia, eta sarreren aurre-salmenta abenduaren 11tik 22ra izango da.
Abenduaren 24a prestatzen gabiltza, lagunduko diguzu?
Olentzero eta Mari Domingiren etorrera ospatuko dugu abenduaren 24an, eta, horrez gain, talo-postua eta tonbola ere izango ditugu Kalegoen plazan. Gure atari digitalean egunaren bueltan antolatutako egitaraua duzue, eta, besteak beste, kalejiran abestu eta dantzatuko ditugun kantu eta dantzak, talo ikastaroan izena emateko aukera eta abar luze bat aurkituko dituzue. Zure laguntza ere eskatuko dizugu eta, nahi baduzu, webgunean topatuko duzu izena emateko galdetegia.
Errebal erromeria izango dugu ekainaren 9an, Maalako parkean
Elgoibarko Izarrak eta Haritz Euskal Dantzari Taldeak elkarlanean antolatu dugu ekainaren 9an Maalako parkean izango den erromeria gidatua. 20:30ean izango da hitzordua, eta dantzan ondo pasatzea da helburua.
197.000 euroko dirulaguntza hitzarmena sinatu dugu Udalarekin
Urtero egiten dugun moduan, aurten ere sinatu dugu Udalak Elgoibarko Izarraren proiektuak eta egitasmoak diruz laguntzeko hitzarmena. Gaur, martxoak 9, bildu gara bi erakundeetako ordezkariak, Udaletxeko pleno aretoan.
JOSTAILUEN AUKERAKETA: Zer hartu kontuan?
Datorren azaroaren 20tik 23ra bitartean JOSTAILUEN ERAKUSKETA antolatuko dugu udaleko zerbitzuak diren Ludoteka eta Gaztelekua eta Elgoibarko Izarraren Atxutxiamaikak elkarlanean.
Atxutxiamaikaren udaberriko oporraldia
Atxutxiamaikak aurkeztu du bere aurtengo udaberriko oporraldia. Txikienentzako txokoak eta gaztetxoeenentzako Pasaiara irteera eta egonaldia Zarautzen antolatu ditu aisialdi taldeak.
50 urte beteko ditugu aurten!
Elgoibarko Izarra 1963. urtean sortu zuten Felix Etxeberria, Sabin Osoro eta Jesus Larrañagak beste herritar askoren laguntzarekin. Ez da atzo goizeko kontua hori. Elgoibarko Izarrak 50 urte beteko ditu, eta hori horrela izanik, merezi moduan ospatzeko urte osoko programazioa prestatu dugu. Atzo aurkeztu genuen 50. urteurrenaren programazioa elkarteko 50 bazkidek emandako prentsaurrekoarekin.
"Egunean behin" aplikazioan aritzeko taldea sortu dugu
Elgoibarko Izarratik 'Egunean Behin' lehiaketan parte hartzeko taldea sortu dugu, elgoibartarrek elkarrekin euskaraz jolasteko eta elkarrekin euskaraz gozatzeko. Gaur, irailak 27, astelehena, hasiko da 8. denboraldia.
Erromeria (eta gehiago) familian
Inazio Bereziartua musika eta dantza eskolak, Udal Ludotekak eta Atxutxiamaikak, musikaren erritmoarekin bete eta alaituko dugu Azkue auzoa urriaren 6an, barikua.
ARIMEN GAUA
Eragile ezberdinen artean egitarau bateratu bat sortu da. Guretik Arimen gaua ospatu nahi dugu eta iluntasunak eta heriotzaren gaiak elkar beldurtzeko jolasean aritzeko parada egingo dugu.
Asteartean zabalduko da udako eskaintzan izena emateko epea
Atxutxiamaikak eta Udal Ludotekak HH2tik LH6ra arteko umeentzako udako oporraldia antolatu du, eta asteartean zabalduko da izena emateko epea. Apirilaren 25etik maiatzaren 7ra arte eman ahalko da izena, eta maiatzaren 20an esleituko dira plazak, behar den kasuetan zozketa eginez.
ALDENIK ALDEN-eko AZAROKO ESKAINTZA
Neguari ongi etorria emango dio Aldenik Aldenek azaroaren 14 eta 20ko eskaintzarekin.
Zabalik da, jada, Atxutxiamaikaren eta Ludotekaren udako eskaintzan izena emateko epea
Udako oporraldia gerturatzen ari dela-eta, Elgoibarko Izarrak eta Udalak haurrentzako antolatutako eskaintza zabala antolatu dugu elkarlanean. Ekainaren 25etik uztailaren 20ra bitartean izango da eta adin tarte bakoitzari egokitutako eskaintza berezitua prestatu dugu.
Autobusak, urriaren 6an Kilometroak jaira joateko
Zarautzen izango da aurten Kilometroak jaia. Urtero moduan, autobusak antolatuko ditugu ikastolen aldeko jaira joan nahi dutenentzat.
Neguko txokoetan izena emateko epea zabalik
Gaur hasi eta abenduaren 4ra arte eman daiteke izena Atxutxiamaikak antolatutako Neguko txokoetan. Urtero bezala, HHko eta LH1 eta 2ko umeentzako eskaintza prestatu du Atxutxiamaikak.
Zapatuan danok kalera!
Elgoibarko kaleak euskaltzalez bete nahi ditugu zapatu honetan. Euskarak 365 Egun lipduba grabatuko da, eta elgoibartar guztiak animatu nahi ditugu ekimen horrekin bat egitera. 12:00etan izango da hitzordua, kalean.
Animatu BARRENen 25. urteurrena ospatzeko kantu-afarira!
Maiatzaren 25ean izango da BARRENen 25. urteurrena ospatzeko ekitaldi nagusia. Azaletik BARRENera! ekimena antolatu dugu, eta Maalako parkean izango den kantu- eta dantza-afariarekin emango diogu amaiera. Animatu eta eman izena!
Gaueko zerua ezagutzera goaz
Elgoibarko Baso Biziak elkarteak, Morkaiko Mendizale elkarteak, Atxutxiamaikak eta zenbait norbanakok osatzen dugun "gure natura ezagutuz" programaren baitan antolatu dugu "gaueko zerua ezagutzeko jarduera".
Umeentzako eta familientzako zuhaitz landaketan izena emateko epea zabalik dago
Otsailaren 17an egingo dugu ume eta familientzako zuhaitz landaketa Sallobente auzoan. 09:30etik 13:30 aldera arte jardungo dugu landaketan eta ondoren, mokadutxoa egingo dugu denok elkarrekin Sallobenteko zelaian.
Lan-deialdia
Elgoibarko Izarrak gaztelekurako hezitzailea behar du ordezkapen bat egiteko. Curriculumak aurkezteko epea: martxoak 7, astelehena.
Ekain pailazoaren bisita izango dugu euskararen egunean
Abenduaren 3an, domeka, Ekain Ibarguren pailazo eta malabaritak emanaldia eskainiko digu Aita Agirre kulturgunean, arratsaldeko 17:00etan.
Udaberriko txokoetan eta Zarautzeko egonaldian izena emateko epea zabalik
Udaberriko oporraldiak heltzear daude, eta hauekin batera, Atxutxiamaikak eta Ludotekak, Udalarekin lankidetzan, haurrentzat antolatutako Udaberriko Txokoak eta Zarautzeko egonaldia. Txokoak 4 proiektutan banatu ditugu adinaren arabera: Apariketan (HH2-HH4), Firin-Faran (HH5-LH1), Abixadan (LH2-LH3) eta Aldenik Alden (LH4-LH6) Zarautzeko egonaldira. Izen ematea, martxoaren 6tik 16ra bitartean izango da eta txokoak apirilaren 10etik 21era bitartean izango dira, Zarautzeko egonaldia, berriz, apirilaren 18tik 21era.
Sukaldaritza Tailerra Familian
Familiaren hizkuntza transmisioa lantzeko helburuarekin Sukaldaritza Tailerra Familian antolatu du Atxutxiamaikaren Kiribilduz egitasmoak Udalarekin lankidetzan, HH4-LH3 adin tarteko umeentzako eta euren gurasoentzako.
"Bagara nor" hitzaldia eskainiko du Lorea Agirrek otsailaren 24an
Korrika ekimenaren azken edizioaren amaieran irakurri zuen testuarekin zer esan nahi duen azalduko digu kazetari eta antropologo beasaindarrak.
Udaldirako hezitzaileak behar ditugu
Udaldiko eskaintzan lan egiteko hezitzaileak behar ditu Elgoibarko Izarrak. Gaurtik apirilaren 9ra bitartean zabalduko da lan poltsan izena emateko aukera.
2023ko Sanbartomeetako Goitibehera lehiaketaren eta Drift Trike-en ikuskizunean izena emateko epea, zabalik
Elgoibarko Izarrako Atxutxiamaika Aisialdi Taldea izango da jaietako eragile berrietako bat eta Udalak antolatzen dituen Umeen eta Gazteen egunetako hainbat ekintza kudeatzeko ardura hartu dugu. Aisia hezitzailearen barruan kokatuko ditugu ekintzak eta gure balio eta helburuak aplikatzeko, hainbat aldaketa sartu ditugu egitarauan, erabiltzaileekin pentsatuz.
Elgoibarko Izarraren Santa Ageda koruetan parte hartu nahi?
Aurten ere ez diogu huts egingo 1994an berreskuratu genuen ohitura zaharrari. Otsailaren 4an daukagu hitzordua Elgoibarko baserritarrekin. Kantuan eta eskean irtengo gara baserriz baserri, usadio zaharrak agintzen duen moduan. Parte hartu nahi dutenek urtarrilaren 31ra arte izango dute izena emateko aukera.
Elgoibar kultura eta hizkuntza aniztasunaren elkargunea izango da Auzoko egitasmoaren 8. jaian
Elgoibarren elkartuko dira aurten Auzoko egitasmoa martxan duten herri guztietako partaideak. Ekainaren 11n, goizeko 11:30ean hasita, jatorri ezberdinetako hizkuntza eta kulturek bat egingo dute, denon artean euskaratik mundurako zubiak eraiki eta elkarrekin aniztasunean gozatzeko.
