Albisteak
Eguberriak elkartearen bueltan
Oporretan elkarren aurpegiekin ez ahaztearren gehiegi ezkutatu gabe pasa ditugu eguberriak. Olentzero eta Mari Domingiri ongietorria lehenengo, Bertso-saioa gero, eta aisialdiko negulekuak bukatzeko. Hau bai menu ona!
5-9 urte bitarteko umeentzako bertso-eskola
Beinke bertso-eskola ari da bere bidea egiten, eta umeak txikitatik bertsoaren munduan murgiltzeko ahalegina abiatu dute. Bertso-eskolan diharduten gaztetxoek egin diete txikienei gonbidapena.
Eguberrietako bertso-saioa Parrokian izango da
Atzo saltzen hasi eta iluntzerako eguberrietako saiorako sarrera guztiak agortu ziren. Arratsaldeko 16:00etan ekingo diogu berriz, sarrerak saltzeari.
Zatoz Elgoibarko Izarraren aldeko tonbolara!
Abenduaren 24an Tonbola jarriko dugu Kalegoen Plazan. Herriko merkatari, ostalari eta artisten laguntzari esker sari mordoa daukagu plazara gerturatuko zaretenontzako.
Abenduaren 27an izango da eguberrietako bertso-saioa
Abenduaren 27an, barixakuan, izango da eguberrietako bertso-saioa. Maialen Lujanbio, Igor Elortza, Onintza Enbeita, Andoni Egaña eta Amets Arzallus ariko dira bertsotan, Uxue Alberdik jarritako gaiei erantzunez.
LHko umeentzako eskaintza antolatu dute Atxutxiamaikak eta Ludotekak
Bi arratsalde-pasa eta egun-pasa bat antolatu dituzte Atxutxiamaikak eta Ludotekak neguko oporretan LHko umeek primeran pasa dezaten. Egun-pasara familian animatzeko gonbidapena egin diete, gainera, etxeko nagusiei.
Lortu du atxikimendua euskarak!
Urteko 365 egunak euskararenak direla aldarrikatu dugu azken asteotan, ondo aldarrikatu ere. 365 pertsona baino gehiago batu gara aldarrikapenera eta jaira. Abenduaren 3an Plazan egin genuen ekimenak ere argi utzi zuen gogoan badugula euskara.
Jostailuen erakusketa antolatu dute Atxutxiamaikak, Ludotekak eta Gaztelekuak
Haur eta nerabeentzako jostailuen inguruko erakusketa egongo da ikusgai ostegunean eta ostiralean, Kultur Etxeko Sotoan. Jostailuak aukeratzerakoan kontuan hartu beharrekoa azaltzen ahaleginduko dira antolatzaileak.
Neguko txokoetan izena emateko epea zabalik
Gaur hasi eta abenduaren 5ra arte eman daiteke izena Atxutxiamaikak antolatutako Neguko txokoetan. Urtero bezala, HHko eta LH1 eta 2ko umeentzako eskaintza prestatu du Atxutxiamaikak.
Eman atxikimendua Euskarari!
Euskararen Nazioarteko Eguna da abenduaren 3an, baina guk egunero ospatzen dugu euskararen eguna. Euskarak, guretzako, 365 egun dituelako, euskara ez delako egun bateko kontua. Euskarak #365EGUN manifestuaren atxikimendu-bilketa abiatuko dugu gaur.
Asteazkenean egingo dugu Euskararen Nazioarteko Egunaren hurrengo bilera
Asteazkenean, 18:00etatik 20:00etara bitartean egingo dugu Euskararen Eguna herritarrok elkarlanean antolatzeko abiatu dugun dinamikaren hurrengo bilera. Plaza Txikiko Beinke bertso-eskolaren lokalean izango da.
Bihar da Bertsolari Txapelketa Nagusiko sarrerak erosteko azken eguna
Hasiera batean azaroaren 29ra arte sarrerak eros zitezkeen arren, Bertsozale Elkartearen eskariz bihar bertan erretiratuko ditugu sarrerak.
Bertso-merienda ostiralean Miren Artetxe eta Ander Solozabalekin
Bertso-eskola zer den azaltzeko eta bertsoekin zein ondo pasa daitekeen erakusteko Bertso-merienda antolatu dute Beinke bertso-eskolako lagunek ostiralerako. Miren Artetxe eta Ander Solozabal bertsolariak izango dira gonbidatu bereziak.
Zientzia museora eta Aquariumera irteera familian, azaroaren 23an
Kiribilka egitasmoak familia irteera antolatu du azaroaren 23rako. Donostiara izango da irteera, eta Eureka zientzia museoa eta Aquariuma bisitatuko dituzte partehartzaileek. Azaroaren 4an hasiko da izen-ematea.
Euskararen erabilera soziala bultzatzeko tailerra, gurasoentzako
2 eta 6 urte bitarteko umeen gurasoentzako tailerra antolatu du Elgoibarko Izarrak Kiribilka programaren baitan. Euskararen erabilera soziala bultzatzea du helburu, horren inguruan hausnartzeko hiztunen arteko gune bat sortuta. Azaroaren 9an izango da tailerra, doan.
Olentzeroren etxerako izen-ematea azaroaren 4an hasiko da
Atxutxiamaikak eta Ludotekak Olentzeroren etxera irteera antolatu dute abenduaren 14rako. Arrakasta handia izan ohi du urtero irteera honek, eta horregatik, izena emateko arauak bereziki zainduko ditugu. Azaroaren 4an, 16:00etan zabalduko da izen-ematea.
"Nor garen jakinda, nor izatera pasa behar dugu"
Markatutako bidetik, zorrotz erantzun zien Lorea Agirrek Unai Iturriagak egindako galderei. Solasaldia konturatu orduko pasa zitzaigun, eta iluntzeko bederatziak nahi baino lehen iritsi. Hemen atzokoaren zertzelada txiki bat.
Euskaraz eta pozik bizitzeko gomendioz beteta ekarri zuen motxila Kike Amonarrizek
Jendez betetako hitzaldi gelaren aurrean bi orduz jardun zuen Kike Amonarrizek, gerturatutako herritarren plazerrerako.
Udazken festa antolatu du Atxutxiamaikak zapaturako
Datorren zapatuan, urriaren 19an, Udazken Festa ospatuko dute Kalegoen Plazara gerturatzen diren guztiek, Atxutxiamaikarekin batera. 11:30ean hasiko da festa.
Euskaraz ez dakiten gurasoentzako kafe-tertulia antolatu dugu ostegunerako
Euskaraz ez dakiten gurasoek euren umeei eskolako lanetan lagundu ahal izateko kafe-tertulia antolatu dugu Berbazulo eta Ludotekaren artean. Gaztelaniaz izango da, ostegunean, urriaren 17an.