RSS jarioaAlbisteak
Euskararen eguneko esaldi lehiaketa
Elgoibarko Izarrak eta Gaztelekuak, euskararen eguneko esaldi lehiaketa antolatu dugu laugarren urtez. DBH eta BATXIko ikasleentzako antolatu da lehiaketa, eta euskarari lotuta egon behar du esaldiak. Lehiaketa irabazten duen esaldiarekin kamiseta bat prestatuko dugu, eta 13-18 urte bitarteko nerabeen artean banatuko dugu, doan.
Olentzeroren etxera familia irteera
Izenaduba basoan dagoen Olentzeroren etxera (Mungia) familia irteera antolatu dute Atxutxiamaikaren Kiribilduz egitasmoak eta Ludotekak, Udalarekin lankidetzan. Goizean herri kiroletan aritu, eta, bazkal ostean, Olentzeroren etxea bisitatu eta bertako pertsonai mitologiko ezberdinak ezagutzeko aukera izango dute bertaratzen direnak.
Erosi nahi duzu Zuberoako ikastolaren aldeko otarrea?
Urtero moduan, aurten ere Zuberoako ikastolei laguntzeko aukera izango dugu elgoibartarrok. Zuberoko ikastolei lagunduko diegu eta, bide batez, gure barruak gozatuko ditugu.
Izan daiteke euskaltzalea feminista izan gabe?
Euskalgintza eta feminismoa, eskutik helduta zikloaren barruan, bihar, urriak 25, Lorea Agirre, Idurre Eskisabel eta Ainhoa Mendibil izango ditugu hitzaldiari izenburua eman dion galderari erantzuteko: izan daiteke euskaltzalea feminista izan gabe?
Baguaz! bidaia-esperientziak: Tolosatik Tokyora bizikletaz
Urriaren 24an izango dugu Baguaz! bidaia-esperientziak programaren bigarren emanaldia. Tolosako Lander Egia etorriko da gurera, Tolosatik Tokyora bizikletaz egin zuen bidaiaren berri ematera.
Badator Kiribil! Barixakuan 17:30ean Maalako parkean izango da!
Atxutxiamaikaren Kiribilduz egitasmoaren baitan, saioa antolatu dugu barixaku honetan, urriak 27, 17:30ean Maalako parkean. Bertan, Kiribilek eta bere lagunek haurreei eta gurasoei euren abenturak kontatuko dizkiete eta elkarrekin jolastuko dute.
Rap ibiltaria, La Basu, Aneguria eta Raquel Coromarekin
Euskalgintza eta feminismoa, eskutik helduta zikloaren barruan, urriaren 20an Rap ibiltaria izango dugu Elgoibarko kaleetan. La Basu, Aneguria eta Raquel Coroma etorriko dira gurera, Elgoibarko kaleak rap musikarekin janzteko.
Euskara, generoaren ikuspegitik begiratuta
Euskalgintza eta feminismoa, eskutik helduta zikloaren barruan, urriaren 18an Euskara, generoaren ikuspegitik hitzaldia izango dugu. Mondragon Unibertsitateko irakaslea den Amelia Barquinek emango du hitzaldia, eta, besteak beste, uste batzuk ezeztatzeko balioko du.
Feminismoa, euskalgintzarako gogoeta-tresna?
Euskalgintza eta feminismoa, eskutik helduta zikloaren barruan, urriaren 4an Feminismoa, euskalgintzarako gogoeta-tresna elkarrizketa izango dugu. Mari Luz Esteban izango da gonbidatua, eta Uxue Alberdik egingo dio elkarrizketa.
Baguaz! bidaia-esperientziak, irailetik abendura bitartean
Irailaren 26an ekingo diogu Baguaz! bidaia-esperientziak programa berriari. Lau emanaldi izango ditugu, eta Beñat Konde eta Irati Altzibar izango dira lehen gonbidatuak. Urtebeteko bidaiaren berri emango digute.
Badator berriz ere Kiribil! Barixakuan 17:30ean Maalako parkean izango da!
Atxutxiamaikaren Kiribilduz egitasmoaren baitan, saioa antolatu dugu barixaku honetan, irailak 22, 17:30ean Maalako parkean. Bertan, Kiribilek eta bere lagunek haurreei eta gurasoei euren abenturak kontatuko dizkiete eta elkarrekin jolastuko dute.
Bertso-eskolan izena emateko epea zabalik
Bertso-eskola berriz martxan jartzeko asmoa dugu. Bertsolaritza ezagutzeko, ahozkotasuna eta komunikazioa lantzeko eta hizkuntzarekin jolasean ikasteko aukera paregabea eskaintzen du bertso-eskolak.
Zabalik dago TERTULIAK programan izena emateko epea
Euskaraz berba egiteko erraztasuna lortu nahi dutenei zuzendutako programa da Tertuliak, eta dagoeneko zabalik dago 2017-2018 ikasturtean izena emateko epea.
Txindurri Iturri sagardotegira familia irteera.
Hizkuntzaren familia transmisioan eragiteko asmoz Itziarko Txindurri Iturri sagardotegira familia irteera antolatu du Atxutxiamaikaren Kiribilduz egitasmoak, Udalarekin lankidetzan. Bertan, sagardoa nola egiten duten ikusi eta ikasteko aukera izango dute txikiek eta euren gurasoek, eta, gainera, bertan bazkalduko dute izena ematen dutenek.
Lekaixoka! Prest dauzkagu Kilometroak jaira joateko autobusak
Oñatin izango da aurten Gipuzkoako ikastolen aldeko Kilometroak jaia. Irailaren 24an izango da jaia, eta hil honen 11tik aurrera egongo da autobuserako txartelak erosteko aukera.
Euskalgintza eta feminismoa, eskutik helduta
Elgoibarko Izarrak eta Elgoibarko Udalak euskalgintza eta feminismoa uztartuko dituen zikloa prestatu dugu elkarlanean. Urriaren 4tik 28ra izango da. Hitzaldiak, elkarrizketak, rap musika eta bertso-bazkari literarioa antolatu ditugu, besteak beste.
Gaur, uztailak 28, oporrak hartuko ditugu!
Elgoibarko Izarrak ere, beste askok bezala, oporrak hartuko ditu abuztuan. Gaur, uztailak 28, itxiko ditugu bulegoetako ateak, eta hala egongo dira irailaren 1era arte. Hilabete oporretan eman ondoren, irailean buru-belarri ekingo diogu ikasturte berriari, irailetik abendura arteko agendari erantzuteko.
Beinke! bertso-eskolan aurre izenematea
Bertsolaritza ezagutzeko, ahozkotasuna eta komunikazioa lantzeko eta hizkuntzarekin jolasean ikasteko aukera paregabea eskaintzen du Beinke! bertso-eskolak.
LAN ESKAINTZA
Atxutximaikarako aisialdiko koordinatzailea behar du Elgoibarko Izarrak, lanaldi osora jarduteko. Uztailaren 9a izango da curriculumak bidaltzeko azken eguna.
Iñaki Perurenak harriarekin duen maitasun istorioa
Tertuliak programak gonbidatuta etorriko da Leitzako harri-jasotzailea Elgoibarrera, ekainaren 22an. Emankizun poetikoa izango da, Kultur Etxeko sotoan, arratsaldeko 19:00etan hasita. Irekia izango da, eta doan.
