Ekigain jaia Sallobenten, udari ongi-etorria egiteko
Azken hiru urteetan egin dugun moduan, aurten ere Sallobente-Ermuaran auzora joango gara udari ongi-etorria egitera. Ekainaren 21ean (osteguna) izango da Ekigain jaia, eta programa erakargarria prestatu dugulakoan gaude.
Ekigain jaiko osagaiak, besteak beste, jan-edana, sua, musika eta dantza izango dira. Lagunartean eta jai-giroan ospatuko dugu urteko egunik luzeena. Ekainaren 21ean, osteguna, izango da jaia, udako solstizioaren egunean, eta hau da prestatu dugun egitasmoa:
19:00: Maalan elkartuko gara, handik Sallobentera oinez joateko.Oinez joateko aukerarik ez dutenentzat, hitzordua 20:00etan izango da Sallobente-Ermuaranen. Afari-meriendari dagokionez, berriz, bakoitzak berea eraman behar du etxetik, baina edariak erosteko aukera egongo da horretarako jarriko dugu txosnan.
Bestalde, frontala edo kopeta-argia eramatea ere komeni da, bueltako biderako.
Animatu elkarrekin eta suaren bueltan udari ongi-etorria egitera!
Ekigain jaia Elgoibarko Izarrak antolatzen du, eta Elgoibarko Udaleko Kultura Sailaren babesa du.
