RSS jarioaAlbisteak
Ekigain jaia Sallobenten, udari ongi-etorria egiteko
Azken bi urteetan egin dugun moduan, aurten ere Sallobente-Ermuaran auzora joango gara udari ongi-etorria egitera. Ekainaren 21ean (asteazkena) izango da Ekigain jaia, eta programa erakargarria prestatu dugulakoan gaude.
Badator berriz ere Kiribil! Ostiralean 17:30ean KALEGOEN PLAZAN izango da! Eta jarraian, Udal Ludoteka ibiltariarekin Ekain Txou pailazoa egongo da!!
Atxutxiamaikaren Kiribilduz egitasmoaren barruan, Udalarekin lankidetzan, KALEGOEN PLAZAN saioa antolatu dugu. Hasiera batean, Maalan izan behar bazen ere, azkenean Plazan izango da. Beraz, ostirala, ekainak 9, 17:30ean Kiribil eta bere lagunak etorriko dira bertara. Bertan haurreei eta gurasoei beraien abenturak kontatzeko eta beraiekin jolasteko. Jarraian, Ludotekak aurkeztuta, Ekain Txou Pailazoa egongo da.
Errebal erromeria izango dugu ekainaren 9an, Maalako parkean
Elgoibarko Izarrak eta Haritz Euskal Dantzari Taldeak elkarlanean antolatu dugu ekainaren 9an Maalako parkean izango den erromeria gidatua. 20:30ean izango da hitzordua, eta dantzan ondo pasatzea da helburua.
Zabalik dago txoko osagarrietan izena emateko epea
Ekainaren 9ra arte egongo da uztaileko eta iraileko txokoetan izena emateko aukera.
Badator berriz ere Kiribil! Bihar 17:30ean Maalako parkean
Atxutxiamaikaren Kiribilduz egitasmoaren barruan, Udalarekin lankidetzan, Maalako parkean saioa antolatu dugu. Bihar, maiatzak 12, 17:30ean Kiribil eta bere lagunak etorriko dira bertara. Bertan haurreei eta gurasoei beraien abenturak kontatzeko eta beraiekin jolasteko.
Elgoibarko Izarrak kudeatuko ditu Mendaroko Udaleku eta Gabonleku irekiak
Gaur, maiatzak 10, sinatu dute kontratua Iñaki Kondek eta Sonia Garciak, Elgoibarko Izarrako lehendakaria eta Mendaroko alkatea, hurrenez hurren.
Familia Eguna, azkenean Maalan izango da!
Atxutxiamaikaren Kiribilduz egitasmoak, Udal Ludotekarekin elkarlanean, familien hizkuntza ohituretan eragin eta gurasoei zein umeei euskara erabiltzeko espazioak eskaini nahi dizkie. Horretarako, maiatzaren 27an, Familia Eguna antolatu dugu Maalan.
Bisita gidatua Txillarre baserrira, hango nekazaritza ekologikoa ezagutzeko
Txillarre baserriko nekazaritza ekologikoa ezagutuko dugu maiatzaren 20rako prestatu dugun bisita gidatuan.
Peru Harrira (Leitza) Familia irteera
Peru Harrira (Leitza) familia irteera antolatu du Atxutxiamaikaren Kiribilduz egitasmoak, Udalarekin lankidetzan. Bertan, Euskal kulturan trasmisioaren inguruan hitz egingo digu Iñaki Perurenak, Mitologiaren inguruan... Herri Kirolaren eta baserriaren munduan murgilduko gara jolastuz eta esperimentatuz. Goizean, bisita gidatua egingo dugu eta ondoren Leitzan bazkaldu eta bertan jolasak egingo ditugu.
183.000 euroko diru-laguntza jasotzen duen hitzarmena sinatu dugu Udalarekin
Elgoibarko Udalak 183.000 euroko diru-laguntza emango dio Elgoibarko Izarra Euskaltzaleon Topaguneari, 2017an euskararen erabilera sustatzeko ekintzak eta haurrentzako aisia hezitzaileko egitasmoa finantzatzeko. Bi udal sailetatik bideratuko da diru-laguntza.
Badator aurten ere Kiribil!!! Gaur 17:15ean, Maalako parkean!!
Atxutxiamaikaren Kiribilduz egitasmoaren barruan, Udalarekin lankidetzan, Maalako parkean saioa antolatu dugu. Gaur 17:15ean Kiribil eta bere lagunak etorriko dira bertara. Bertan haurreei beraien abenturak kontatzeko eta beraiekin jolasteko.
Badator haurrentzako udaldiko oporraldia!!!
Udako oporraldiak heltzear daude, eta Atxutxiamaikak eta Ludotekak, Udalarekin lankidetzan, haurrentzat antolatutako Udako Txokoak eta hainbat egonaldi, Zuhatza eta Askizu. Txokoak 4 proiektutan banatu ditugu adinaren arabera: Apariketan (HH2-HH4), Firin-Faran (HH5-LH1), Abixadan (LH2-LH3) eta Aldenik Alden (LH4-LH6). Izen ematea, apirilaren 24tik maiatzaren 7ra bitartean izango da eta txokoak ekainaren 26etik uztailaren 21era bitartean izango dira.
Udaldiko izen emateak gaur, apirilak 24, 16:00etan hasiko dira!!!
Elgoibarko Ludotekak eta Atxutxiamaikak, udalarekin lankidetzan antolatutako udaldirako izen ematea gaur hasiko da arratsaldeko 16:00etan!!
Korrika egitera goaz!
Aurreko edizio guztietan moduan, oraingoan ere Korrika egingo du Elgoibarko Izarrak. Apirilaren 5ean pasako da Korrika gure herritik, eta Elgoibarko Izarrak Armueta harategian hartuko du lekukoa, goizeko 7:00etan. Gonbidatuta zaudete bazkide guztiok, Elgoibarko Izarrarekin Korrika egitera!
“Euskaratik eta gure mundu erreferentzialetik egin behar dugu, besteen ispiluetan gure buruaren bila ibili gabe”
‘Euskaratik eta euskaraz, herri hau sortzen’ izenburuko hitzaldia eskaini zuten joan zen eguaztenean Uxue Alberdi eta Maialen Lujanbio bertsolariek Elgoibarren, elkarrizketa formatoan.
Sukaldaritza Tailerra Familian
Familiaren hizkuntza transmisioa lantzeko helburuarekin Sukaldaritza Tailerra Familian antolatu du Atxutxiamaikaren Kiribilduz egitasmoak Udalarekin lankidetzan, HH4-LH3 adin tarteko umeentzako eta euren gurasoentzako.
Udaberriko txokoetan eta Zarautzeko egonaldian izena emateko epea zabalik
Udaberriko oporraldiak heltzear daude, eta hauekin batera, Atxutxiamaikak eta Ludotekak, Udalarekin lankidetzan, haurrentzat antolatutako Udaberriko Txokoak eta Zarautzeko egonaldia. Txokoak 4 proiektutan banatu ditugu adinaren arabera: Apariketan (HH2-HH4), Firin-Faran (HH5-LH1), Abixadan (LH2-LH3) eta Aldenik Alden (LH4-LH6) Zarautzeko egonaldira. Izen ematea, martxoaren 6tik 16ra bitartean izango da eta txokoak apirilaren 10etik 21era bitartean izango dira, Zarautzeko egonaldia, berriz, apirilaren 18tik 21era.
Uxue Alberdik Maialen Lujanbio elkarrizketatuko du
Martxoaren 1ean Maialen Lujanbio Elgoibarren izango da, baina oraingoan ez da bertsotara etorriko. Uxue Alberdik egingo dion elkarrizketan euskararen gainean berba egingo digu Hernaniko bertsolariak. Kultur Etxean izango da elkarrizketa, arratsaldeko 19:00etatik aurrera.
Elgoibarko eta Mendaroko Gida Komertziala argitaratu dugu
Elgoibarko eta Mendaroko zerbitzuen 2017ko Gida Komertziala prestatu eta argitaratu dugu. Elgoibarko eta Mendaroko Udalen lankidetzarekin prestatu dugu, eta bi herriotako etxe guztietan banatuko dugu doan.
Mozorro Tailerra familian
Familiaren hizkuntza transmisioa lantzeko helburuarekin Mozorro Tailerra Familian antolatu du Atxutxiamaikaren Kiribilduz egitasmoak Udalarekin lankidetzan, HH4-LH3 adin tarteko umeentzako eta euren gurasoentzako.
