RSS jarioaAlbisteak
Beinke! bertso-eskolan izena emateko epea zabalik
Bertsolaritza ezagutzeko, ahozkotasuna eta komunikazioa lantzeko eta hizkuntzarekin jolasean ikasteko aukera paregabea eskaintzen du bertso-eskolak. Duela bi urte zabaldu zen herrira bertso-eskola, Beinke bertso-eskola, eta ordutik taldea haziz joan da. Gustura daude ikasle eta irakasle jardundakoak, eta aurrera egiteko indartsu.
Gaur, uztailak 29, oporrak hartuko ditugu!
Beste askok bezala, Elgoibarko Izarrak ere oporrak hartuko ditu gaur. Elkarteko ateak itxita egongo dira abuztuan, eta irailaren 1ean irekiko ditugu berriz ere. Ondo-ondo pasa oporrak dauzkazuenok eta, batez ere, oporrik ez daukazuenok.
Jendea behar dugu, San Bartolome jaietan, Maalako Jai Gunean barran lan egiteko
Maalako Jai Batzordean parte hartzeko erabakia hartu du Elgoibarko Izarrak. Jai Batzordeak parte hartzeko gonbite-proposamena egin dio Elgoibarko Izarrari, eta baietz erantzun dugu.
BARREN astekariaren 1.000 zenbakia argitaratuko dugu ostiral honetan
1992ko abenduan astakeria zirudiena, astekaria bihurtu da. Ezinezkoa zena posible dela erakutsi dugu. Jende askoren lanari eta jarrerari esker, BARRENen 1.000 zenbakia argitaratuko dugu ostiralean. Zorionak eta eskerrik asko, BARREN era batera edo bestera egin duzuen guztioi!
“Gure imajinarioa kantagintzaren bitartez” ikastaroa antolatu dugu urrirako
10 orduko ikastaroa izango da, eta kantagintzak euskaldunon imajinarioa eraikitzeko orduan izan duen, eta duen, garrantzia landuko dugu. Elgoibarko Izarrak eta Elgoibarko Udalak elkarlanean antolatu dugu ikastaroa, eta dagoeneko zabalik dago izena emateko epea.
Mikel Markezek euskal kantagintzaren errepaso historikoa egingo du
Tertuliak programak gonbidatuta etorriko da Errenteriako musikaria Elgoibarrera, ekainaren 22an. Kultur Etxeko sotoan izango da kantaldi-hitzaldia, arratsaldeko 18:30ean hasita. Irekia izango da, eta doan.
Aurten ere Ekigain jaia ospatuko dugu, udari ongi-etorria egiteko
Iaz egin genuen moduan, aurten ere Sallobente-Ermuaranera joango gara udari ongi-etorria egitera. Ekainaren 21ean (asteartea) izango da jaia, eta Elgoibarko Izarrako bazkideak ez ezik, herritar guztiak ere badaude gonbidatuta.
“Euskararen isobarak” hitzaldia emango du Pako Aristik ekainaren 8an
Euskararen inguruko diskurtsoa kutsatzen duten gezurren gainean jardungo du, batez ere: euskara politizatua dagoela, ez dela modernoa, subentzionatua dagoela, erakargarritasuna falta zaiola…
Zabalik dago iraileko txokoetan izena emateko epea
Txokoak lau egunetan izango dira: irailak 1, 2, 5 eta 6. Izena emateko epea ekainaren 1etik 10era arte izango da.
Ludotekaren VII. Aste Nagusia
Elgoibarko Udal Ludotekako VII. ASTE NAGUSIAren atzera kontua hasi da. Urtero legez, ekintzez beteriko astea prestatu dute, eta haurrek zein familikoek aukera izango dute parte hartzeko iragarritako ekintzetan.
183.000 euroko diru-laguntza emango digu Udalak, 2016rako
Aste honetan sinatu dugu Udalak eta Elgoibarko Izarrak aurtengo hainbat proiektu eta ekimen finantzatzeko dirulaguntza-hitzarmena. Euskara sailak 123.000 euro emango dizkigu; beste 60.000 euroak, berriz, Haur eta Gazteen Sustapenerako sailetik jasoko ditugu.
Familia Eguna eta Hondarribira asteburu pasa
Atxutxiamaikaren Kiribilduz egitasmoak familiengan eragin eta gurasoei zein umeei euskara erabiltzeko espazioak eskaini nahi dizkie. Maiatzaren 29rako, Familia Eguna antolatu dugu Idotorben, Ludotekarekin batera. Ekainaren 11n eta 12an, berriz, asteburu pasa joango gara Hondarribiko aterpetxera.
Txoko osagarrietan izena emateko epea zabalik
Atxutxiamaika eta Ludotekaren udaldiko eskaintza bateratuaren osagarri gisa, Elgoibarko Izarrak, txokoak eskainiko ditu ekainaren 22tik 24ra eta uztailaren 26tik 29ra bitartean.
EKOGUNEra familia irteera.
Ekogunera (Donostia) familia irteera antolatu du Atxutxiamaikaren Kiribilduz egitasmoak. Bertan, naturarekin jolasteko eta ikasteko aukera izango dute txikiek eta euren gurasoek. Goizean, bisita gidatua (umeekin ginkana) egingo dugu eta bazkalostean haur parkera sartzeko eta baratza ekologikoen inguruko tailerra egiteko aukera izango dugu.
Itxura hartzen ari da Elgoibarko Izarraren ziklo berria
Apirilaren 18an izan zen Elgoibarko Izarrako Bazkideen Urteko Batzar Orokorra. 25 bazkideren aurrean, 2015ean elkarteak egindakoaren errepaso-balorazioa eta 2016ko helburua nagusiak azaldu zituzten Zuzendaritza Batzordeko kideek. Badihardugu, poliki-poliki, 2014an ekin genion ziklo berriko erronkak eta helburuak lantzen.
Berrikasi eta berrikusi dokumentua aurkeztuko da Elgoibarren, apirilaren 25ean
Euskalgintzaren azken mende erdiaren errepasoa eta irakurketa egingo dute Kike Amonarrizkek eta Iker Martinez de Lagosek. Etorkizunerako lan-ildoak ere proposatuko dituzte, antolatu dugun hitzaldi-tailerrean.
Bisita gidatua eta gazta-dastatzea, Mausitxa baserrian
Morkaiko Mendizale Elkartearekin elkarlanean, Mausitxa baserria bisitatzeko irteera prestatu dugu. Apirilaren 23an izango da irteera, eta oinez joango gara.
Apirilaren 18an, astelehena, izango da Elgoibarko Izarrako Bazkideen Batzar Orokorra
Bi atal nagusi izango ditu aurtengo Batzar Orokorrak. Lehen atalean, elkarteak 2015ean egindakoaren errepaso-balorazioa azalduko du Zuzendaritza Batzordeak. Bigarrenean, berriz, 2016ko helburuak, lan-plana eta aurrekonturen berri emango du. Kultur Etxeko hitzaldi-gelan izango da batzarra, arratsaldeko 19:00etan.
Haurrentzako udaldiko eskaintza
Udaberriko oporraldiaren ostean, udako oporraldiaren esperoan daude asko. Itxaronaldia luze egin dakieke, akaso, baina espero baino lehen etorriko da. Atxutxiamaikak eta Ludotekak udaldiko eskaintza prest dugu jada, eta apirilaren 4an ekingo diogu izen emateari.
