RSS jarioaAlbisteak
Aurten ere Inauterietako Txokoak antolatuko ditu Atxutxiamaikak
Otsailaren 16, 17 eta 18an antolatuko ditu Atxutxiamaikak Inauterietako Txokoak. Neguko jai hauetako oporraldi txikiaz gozatzeko beste modu bat eskainiko die 2-8 urte bitarteko umeei.
E-posta berriak dauzkagu Elgoibarko Izarran
Elgoibarko Izarraren domeinua aldatu genuen abenduan (elgoibarkoizarra.eus da domeinu berria), eta horren ondorioz elkarteko e-postak aldatu ditugu. Hona hemen elkarteko proiektu eta langileen e-posta berriak.
Zabalik dago Elgoibarko Izarraren santa eskean parte hartzeko izenemate epea
Urtero bezala, baserriz-baserri irtengo dira Elgoibarko Izarrako kideak otsailaren 4an, Santa Ageda bezpera egunean, hain zuzen ere. Koruetan parte hartu nahi dutenek urtarrilaren 30erako eman beharko dute izena.
Oporrak hartuko ditugu gaur!
Elgoibarko Izarrako bazkide profesionalok oporrak hartuko ditugu gaur. Eguerdira arte lanean jardun ondoren, langile-batzarra izango dugu arratsaldean, eta batzarraren ondoren elkarteko ateak itxiko ditugu urtarrilaren 7ra arte.
Euskaraz ez dakiten gurasoentzako hitzaldia
Euskaraz ez dakiten gurasoek euren umeei eskolako lanetan lagundu ahal izateko hitzaldia antolatu du Atxutxiamaikaren Kiribilduz egitasmoak. Gaztelaniaz izango da. Abenduaren 15ean izango da hitzaldia.
LH3-6 bitartekoentzako neguko eskaintza
Atxutxiamaikaren Aisia egitasmoak eta Ludotekak eskaintza berezia prestatu dute aurtengoan 9-12 urte bitarteko gaztetxoentzako.
Kiribilduz proiektuaren abenduko ekintzak
Ikuskizuna, sukaldaritza tailerra, eguberrietako apaingarrien tailerra eta familia irteera antolatu dituzte Kiriblek eta bere laguntzaileek. Eguraldi aldaketa dela-eta, etxean geratzeko aitzakiarik ez edukitzeko moduko programazioa.
Xamar: "Euskaldun sortu ginen, eta, nahigabe guztien gainetik, horrek gaitu betetzen"
Etsita eta mutu geratu zen euskal jendea Francoren diktadura gure gainera jausi zenean. Euskal Herriko paisaia iluna zen benetan, eta erdara gero eta toki zabalagoa hartzen hasi zen, euskararen kaltetan. Hala ere, 1960ko hamarkadan, berriro esnatu zen euskaldunak izateko nahia.
Neguko Txokoetan izena emateko aukera zabalik
Gaur hasi eta abenduaren 5era arte eman daiteke izena Atxutxiamaikak antolatutako Neguko txokoetan. Urtero bezala, HHko eta LH1 eta 2ko umeentzako eskaintza prestatu du Atxutxiamaikak.
Xamar: "Etsipenak jota, gerren artetik bizirik irtetea lortu zuten euskaldunak"
Bagoaz, poliki-poliki, gure hizkuntzaren historia hobeto ezagutzeko bidean, Xamar bidelagun hartuta. Bosgarren kapitulura iritsi gara, eta seigarrena baino ez zaigu falta ikastaroa amaitzeko. Azken-aurreko kapituluan, gerra artean bere burua altxatu nahian dabilen Euskal Herria ikusi dugu.
Euskaraz bizi nahi dut! flashmob-a, Euskararen Nazioarteko Egunean
Iaz ekin genion bideari segituz, Elgoibarko Izarrak eta Elgoibarko hainbat elkarte, ikastetxe eta erakundek, Udalaren diru-laguntzarekin, Euskararen Nazioarteko Eguna ospatzeko prestaketa-lanetan dihardugu.
Xamar: "Muga eta lege guztien gainetik, Aro Modernoan euskaldunak izateko nahia erakutsi zuen euskal jendeak"
Euskara Jendea ikastaroaren hirugarren saioari Erdi Aroan euskara gure lurraldean nagusi zela esanaz eman bagenion amaiera, laugarrenean Aro Modernoan zentratu ginen, eta, batez ere, Iparraldean jarri zuen azpimarra Xamarrek. Garai hartan Iparraldean euskarak izan zuen loraldian, zehatzago esateko.
Nola eragin haur eta nerabeek euskaraz egin dezaten?
Haurren eta nerabeen euskararen erabilera areagotzeko klabeak aztertzeko jardunaldia antolatu du Elgoibarko Izarrak, Udalarekin propio sinatu duen hitzarmenaren bidez finantzatuta. Azaroaren 28an izango da, goizez, eta Euskal Herriko hainbat adituk hartuko dute parte. Elgoibarko IMH ikastetxean izango da, goizeko 09:00etatik aurrera. Azaroaren 17ra arte eman daiteke izena.
Xamar: “Erdi Aroan euskara zen nagusi gure lurraldean, inguruan hainbat hizkuntza izan arren”
Euskaldunok ere erromatartu ginen, baina guk herriaren izena eta hizkuntza gordetzen jakin genuen, inguruko auzo-hizkuntzek ez bezala. Ideia horrekin eman genion amaiera Euskara Jendea ikastaroko bigarren saioari. Hirugarren honetan, berriz, Erdi Aroan zentratuko da Xamar. Erdi Aroan hamaika hizkuntza entzuten zen gure lurraldean, baina denen artetik euskara zen nagusi.
Martxan daukagu Daixola egitasmoa, 102 gaztetxorekin
102 gaztetxo, 7 gazte-koadrila, eta 12 hezitzaile. Horiek dira Atxutxiamaikaren baitan sortu den Daixola egitasmoari ekiteko dauzkagun kopuruak. Aurreikuspen guztiak gainditu ditugu.
Xamar: “Euskaldunok ere erromatartu ginen, baina herriaren izena eta hizkuntza gordetzen jakin genuen”
Euskara Jendea ikastaroko lehen saioa topiko bat bertan behera lagatzeko izan bazen, bigarrenean ere Erromako Inperioak gurean izan zuen eraginaren gaineko beste mito bat gezurtatu genuen: ez da egia euskaldunak isolaturik eta konkistatu gabe egon ginenik.
Xamar: “Euskaldunona ez da izan isolatuta edo barkatuta egon den herria”
Hori da, beharbada, 'Euskara Jendea' ikastaroaren lehen saioan Juan Carlos Etxegoien 'Xamar'ek (Garralda, Nafarroa, Xamarrena etxekoa, 1956) azpimarratu zuen ideia garrantzitsuena. Elgoibarko Udalarekin elkarlanean antolatu dugun ikastaroari asteazkenean eman genion hasiera, eta 42 lagunek eman dugu izena. Hurrengo sei asteetan, astero-astero eskainiko dugu saio bakoitzaren kronika.
Euskararen eguneko esaldi lehiaketa
DBH eta BATXIko ikasleentzako antolatu da lehiaketa, eta euskarari lotuta egon behar du esaldiak. Lehiaketa irabazten duen esaldiarekin kamiseta bat prestatuko dugu, eta 13-18 urte bitarteko nerabeen artean banatuko dugu, doan. Kamiseta hori abenduaren 3an janzteko izango da, Euskararen Nazioarteko Egunean.
EiTBk eta Tokikom-ek elkarlarnerako akordioa sinatu dute
Eitbk eta Tokikom-ek elkarlarnerako akordioa sinatu dute. Emankorra izango den bide baten hasiera baino ez da EiTBko zuzendari nagusi Maite Iturbek eta Tokikom-eko presidente Urko Aristik izenpetutakoa, bi aldeen esanetan. BARREN ere Tokikomeko bazkidea da.
Daixolan izena emateko epea zabalik.
Daixola! LH3-6 bitarteko ikasleei zuzenduta dago eta lagun taldean, euskaraz ondo pasatzeko helburua dauka.
