MARTXOAK 27
Ipuina: "KORONABIRUS EZ DA PRINTZE BAT, EZTA PRINTZESA BAT ERE!"
María Coco Hernandok idatzitako eta Sara Ramirezek ilustratutako ipuina da. Zazpi bat urteko ume baten ikuspegitik kontatzen digu nola bizi dituen egun hauek etxean, zeintzuk diren bere sintomak, bere errutina eta garbiketa arau berriak eta, baita ere, saria lortzeko erronka berria: eskuak asko garbitzea gustoko duen abesti bat kantatzen duen bitartean.
Egin KLIK irudian eta gozatu familian...
Iturria: Guraso.eus
Eskulana: ITZAL TEATROA
Hurrengo proposamena, itzalen antzerkia sortzea da. Aukeratu ezagutzen duzun ipuin bat edota asmatu ezazue istorio bat.
Materiala:
-Kartulina
-Txotx luzeak
-Zeloa
-Linterna bat
-Izara zuria
Nola egin:
-Aukeratu ipuina eta pertsonaiak kartulina batean marraztu. Hauek moztu eta txotxak itsatsi.
-Leku zehatzen batean kokatu nahi baditugu hauek ere sortuko ditugu; etxea, mendia, txalupa, eguzkia, ...
-Teatroa muntatzea izango da hurrengo pausoa. Izara zuria hartu eta bi aulkitara lotuko dugu pantaila bat osatuz. Proba egin linternarekin ia nola ikusten den.
-Orain entseguak egin beharko ditugu, pertsonaiak dantzan jarri eta elkarrizketak eginez. Proba ezazu ahots ezberdinak egitea, dibertigarriagoa izango da eta.
-Prest gaudenean etxekoak deituko ditugu antzerkiaz goza dezaten.
Ikusi, Amane eta Lizarrek sortutakoa "Ahoz aho 2020 ipuinak ez dira geldituko" ekimenerako. Benetan ederra! Zu ere animatuko al zara ?
