Edukira salto egin | Salto egin nabigazioara

Euskaldunok batzen gaituena banatzen gaituena baino garrantzitsuagoa delako.

Atalak
Hemen zaude: Hasiera → Materiala → ATXUTXI ETXIAN → APIRILAK 14
 

APIRILAK 14

AP 14

 

Eskulana: TUTU ERAIKINAK

Egunotan ziur tutu mordoa bildu dituzuela eskulanak egiteko. Horrela ez bada hasi hauek biltzen hurrengo eskulana egiteko. B plan bat ere prest daukagu tuturik izan ezean, lasai.

TUTU

Tutu eraikinen jostailu hau egiteko beharrezko materiala: 

-Komuneko edo sukaldeko paperaren tutuak

-Tenperak

-Pintzela 

-Guraizeak 

Eman beharreko pausoak:

Lehenik eta behin tutuak moztuko ditugu tamaina ezberdinetan. Batzuk beste batzuk baino luzeagoak izan daitezen. Ondoren hauetako bakoitzari, goiko aldean eta behealdean zentimetro bateko mozketak egingo dizkiogu. Saiatu tutu guztietan mozketa hauen artean tarte berdina husten. Honek, eraikinak egiterakoan asko lagunduko digu.

Tutu guztiak prest ditugunean, tenperekin margotuko ditugu. Lehortzen utzi eta lehortutakoan JOLASTERA!!!!

TUTUAK

Tuturik bildu ezean, hemen B PLANA. 

Hartu kartoizko kutxak eta zatitan moztuko ditugu, ahalik eta zuzuenen eta tutuekin bezala zentrimetro bateko mozketak egingo ditugu, batetik bestera distantzia bera mantenduz. 

ERAIKI

 

Esperimentazioa: TENPERARI PUTZ

Hurrengo proposamen honetan tenperekin jolas bat proposatzen dizuegu. Hartu orri zuri bat eta bota tenpera tanta potolo batzuk. Laztotxo baten laguntzaz, tenperari putz egingo diogu forma ezberdinak lortuz. Tenpera arinagoa izan dadin ur pizkatekin nahasten badugu askoz forma anitzagoak lortuko ditugu eta ez dugu horren fuerte putz egin beharko.

Familian egiteko oso ekintza dibertigarria da hau. Non jarriko dizkiogu begiak? zer atera da bakoitzaren irudian?
 
put
putz
 

Elkarbanatu gurekin zuen artelan eta esperimentuen argazkiak edo idatzi proposamen berriekin: atxutxiamaika@elgoibarkoizarra.eus -era edo whatsapp bidez 688751908ra bidalita. EKIN ATXUTXIREKIN!