MARTXOAK 26
Ipuina: "TXERRIAK, OTSOA HIL ZUENEKOA" _Nerea eta Mariano_
Gaurko ipuina, Nerea Ariznabarreta eta Mariano Hurtado ipuin kontalariek kontatutako ipuina, musikaz lagundurik. Egin klik irudian eta gozatu bi artista hauekin!
Itxialdi honetan, Tolosaldeko Intujai Teatroak, egitasmo eder bat jarri du martxan, "Ahoz-aho 2020, Ipuinak ez dira geldituko" izenekoa, bertan behera geratu beharrean, sarera salto duena. Lagun mordoak egunero ipuinak kontatzen dituzte honetan. Sartu eta gozatu.
·Ahoz Aho 2020, Ipuinak ez dira geldituko·
Eskulana: ILUSIO OPTIKOA
Materiala:
-Orri bat, arkatza, koloretako errotulki edo margoak eta zure eskua.
Egin Beharrekoa:
- Jarri eskua orri gainean eta arkatzarekin marraztu esku osoa inguratuz.
- Hasi orriaren erdialdean marra zuzen bat egiten eskura heldu arte.
- Eskuaren ertzera heltzean eman kurba eskuaren beste ertzera eta jarraitu marra zuzenarekin.
- Errepikatu hau orri osoa bete arte.
- Ondoren koloretako errotulkiekin errepasatu egindako marrak.
Beste adibide batzuk...
Esperimentua: NOLA HAZTEN DIRA LANDAREAK?
Egunotan naturatik nahiko urruti gaude asko eta asko. Hala ere landareak gure inguruan ditugu. Oso garrantzitsuak dira naturarentzako eta zaindu egin behar ditugu. Baina ba al dakizu zer behar duten landareek osasuntsu hazteko? Eta zertaz elikatzen diren?
Oraingo honetan Zurirekin batera esperimentu bat egitea proposatzen dizuegu bere Sleeptak kanalean. PREST? "Klikatu irudia eta ekin esperimentuarekin!"
