Hurrengo urteetarako egitekoak eta egiteko moduak erabakitzera goaz
2023ko martxoan 60 urte beteko ditu Elgoibarko Izarrak. Mugarri egokia begitandu zaigu etorkizunari begira jartzeko; Elgoibarko Izarraren egitekoak eta egiteko moduak erabakitzeko. Bazkideen parte-hartzearekin egin nahi dugu.
Elgoibarko Izarrak hurrengo urteetan egin behar duena erabakitzea da helburua. Egitekoak eta egiteko moduak definitzea. Iaz azken 30 urteetan egindako lanaren balorazioa egin genuen (balorazio-dokumentua), eta aurten etorkizunari begira jarriko gara.
Horretarako, eztabaidarako dokumentu bat sortu dugu (hemen), eta bazkide guztiok gonbidatu nahi zaituztegu berau irakurtzera. Irakurri eta zuen iritziak ematera; irakurri eta ekarpenak egitera.
Apirilaren 29ra arteko epea izango duzue horretarako.
Iritziak eman, ekarpenak egin edota zalantzak argitzeko:
Aita Agirre kulturgunea 3, 3 ezkerra.
943 74 16 26 (Imanol)
elgoibarkoizarra@elgoibarkoizarra.eus
Zu ere Elgoibarko Izarra zara. Erabaki elkartearen etorkizuna!
