Elgoibarko Izarrak bertan behera laga ditu martxorako programatutako ekintzak
Birusa ahalik eta gutxien hedatzea funtsezkoa dela ulertuta Elgoibarko Izarra Euskaltzaleon Topagunean hainbat neurri hartu ditugu, tartean martxorako programatutako ekintzak bertan behera lagatzea.
Osasun larrialdiko egoera deklaratu du Eusko Jaurlaritzak
Araban, Bizkaian eta Gipuzkoan, egunez egun hazten ari delako koronabirusak
kutsatutakoen kopurua. Birusari aurre egitea erronka globala dela esan du
goizean Iñigo Urkullu lehendakariak, eta prebentzio neurriak hartu egin behar
direla gogorarazi du. Birusa ahalik eta gutxien hedatzea funtsezkoa dela
ulertuta, eta osasun-sistema ez kolapsatzea denon eginbeharra delakoan, Elgoibarko
Izarra Euskaltzaleon Topagunean hainbat neurri hartu ditugu, tartean martxorako
programatutako ekintzak bertan behera lagatzea.
BARREN astekaria eta Barren.eus webgunean informatzen jarraituko dugu
hala ere, epe laburrean ez dugulako ikusten horretarako zailtasunik. Dena den,
ahal dugun neurrian, etxetik lan egingo dugu Elgoibarko Izarrako langileok,
elkar kutsatzea saihesteko eta mugikortasuna murrizteko. Aita Agirre eraikina
hamabost egunerako itxi du gaur Elgoibarko Udalak, eta beraz, telefonoa eta
e-posta izango dituzue gurekin harremanetan jartzeko bideak.
Elgoibarko Izarra: 943 741 626 / 643 499 169 kudeaketa@elgoibarkoizarra.eus
BARREN: 943 744 112 / 688 634 044 / barren@elgoibarkoizarra.eus
Hona hemen ezinbestean bertan behera lagatako ekintzen zerrenda:
- Berbazulo egitasmoa
- Udaberri festa
- Aldenik-Aldeneko ekintzak
- Kiribilduz egitasmoko ekintzak
- Euskaraldiko aurkezpenak
- Apirilaren 1erako deitutako Batzar Orokorra
