Elgoibarko Izarra elgoibartarrek irudikatuta

 Elgoibarko Izarrak eta Topaguneak eskatuta, elgoibartarrek Elgoibarko Izarrak zelan irudikatzen duten aztertu du ikerketa soziologikoetan espezializatutako Aztiker enpresak. Teknika kualitatiboan oinarritu du ikerketa-lana, eta 16 lagunek parte hartu dute hausnarketa partekaturako tailerretan. Hiru tailer izan dira guztira, eta bi ordukoa izan da tailer bakoitza.
 Ikerketa-lanean elgoibartarrek Elgoibarko Izarraren gainean dituzten iritziak eta diskurtsoak jaso dira, batez ere, baina euskararen gaineko iritziak eta pertzepzioak ere jaso dira.

 Euskarari dagokionez, ikerketan parte hartu dutenen ustez, euskarak Elgoibarko hizkuntza erreferente nagusia izan behar du etorkizunean, eta euskararen erabilera da indartu eta sustatu behar duguna; euskararen erabileran dago hutsunea.

 Elgoibarko Izarraren gainean, berriz, horra ondorio nagusietan jasotzen diren puntuak:

• Elgoibarko Izarrak erreferente irekia eta harremanduna izan behar du.
• Elgoibarko Izarra euskararen erabilera sustatzeko erreminta edo tresna da (izan behar du).
• Elgoibarko Izarrak harreman- eta elkarlan-sareak osatu behar ditu, herriko beste elkarte eta erakundeekin.
• Plazerean eta sedukzioan oinarritu behar du Elgoibarko Izarrak bere jarduna.   
• Lan-dinamika kontzientearen beharra ere badago, sektore jakin batzuetan.
  

• Irakurri IKERKETAK:
  
  • Ikerketa-lana bere osotasunean irakurtzeko: IKERKETA LANA OSOTASUNEAN (PDF dokumentua 2116 Kb)
  • Ikerketa-lanaren laburpena ikusteko: IKERKETA LANAREN LAPURPENA (Powerpoint dokumentua)

 Ikerketa-lan honetan jasotako informazioa, beste balorazio-lan batzuekin batera, Elgoibarko Izarra 2014tik aurrera izan eta egin behar duena definitzeko aprobetxatuko dugu.