Egin TTap!
Atxutxiamaika Aisialdi Taldeak, Kukulaisirekin elkarlanean, online jokatzeko Egin Ttap! lehiaketa antolatu du. Azaroaren 20tik 26ra iraungo du. Zazpi egunez, gai desberdinei buruzko zazpi galdera erantzun beharko dira, taldeka.
Azaroaren 20tik 26ra jokatzeko online bidezko Egin Ttap lehiaketa antolatu du Atxutxiamaikak, Kukulaisi elkartea osatzen duten Euskal Herriko beste aisialdi talde batzuekin batera. 7 egun, 7 galdera, 7 minutu formatuan, haurrek eta helduek taldeka elkarrekin galderei erantzunez jolasten da. 9-12 urte bitarteko haur-taldeak eratu behar dira (5-6 pertsona, gutxi gorabehera), taldearen arduraduna beti ere pertsona heldu bat izango delarik.
Emaitza onenak lortzen dituzten taldeekin aurrez aurreko finala ospatuko da, Abenduaren 5ean, Durangoko Azokan.
Galderak askotarikoak izaten dira: kultura, natura, musikagintza, geografia… Quizz dibertigarria da! Euskaraz ondo pasatzeko momentutxo bat sortuko duena.
EginTtap! lehiaketan izen-ematea azaroaren 7tik 17ra irekia egongo da www.eginttap.eus (Instagramen @eginttap) webgunean. Bestalde, lehiaketaren inguruan edota Kukulaisiren beste egitasmoen inguruan informazio gehiago eskuragarri dago azaroaren 7an kaleratuko den www.kukulaisi.eus atarian.
Animatu parte hartzera!
