“Iraultza neolitikoa” izango da “Mitoak eta historia” zikloaren azken hitzaldia.
Irailaren 25ean “Mitoak eta historia” zikloaren azken hitzaldia izango dugu. Amaia Arranz historialaria etorrik da gurera “Iraultza neolitikoa” hitzaldia emateko.
Hitzaldiaren laburpena:
“Paleolitikotik neolitikorako jauzia gizateriaren historian izan den iraultza handiena kontsideratzen da. “Iraultza neolitiko” termioak gizakia ehiztari-biltzaile izatetik laborari-abeltzain izatera iragaten deneko aldaketa multzoari egiten dio erreferentzia. Sedentarizazioa eta lehen hiriguneen sorrera; jabego pribatuaren agertzea; gizatalde komunitarioetatik familia nuklear patriarkaletara iragatea;… ustez, gizakia laborari egitearekin batera, eta laborari egitearen ondorio dira. Iraultza adierak, gainera, aldaketen bapatekotasun eta berariazkotasuna iradokitzen du. Azken aurkikuntzek, baina, eztabaida ezinezkoa zirudien paradigma auzitan jarri dute”.
Hizlaria: Amaia Arranz Otaegi. Historialari eta arkeologoa. Ikerbasque fundazioko ikerlaria.
Irailak 25, osteguna, 19.00.
Aita Agirre kulturguneko areto nagusian.
Antolatzailea: Illunberri Achademia – Elgoibarko Izarra
Laguntzailea: Elgoibarko Udala.
